ഏഷ്യയിലെ തന്നെ ഏറ്റവും സമ്പന്നമായ ഗ്രാമം ഇന്ത്യയിലാണെന്ന് അറിയാമോ? ഗുജറാത്തിലെ കച്ച് ജില്ലയിലുള്ള മധാപറാണ് ഈ സമ്പന്നമായ ഗ്രാമം. ഗ്രാമത്തിലെ ബാങ്കുകളിൽ 7000 കോടി രൂപയുടെ സ്ഥിര നിക്ഷേപമാണുള്ളതത്രെ.ഏതൊരു വികസിത നഗരത്തിലുള്ളതിനെക്കാളും അധികമാണിത്. 17 പൊതു-സ്വകാര്യ ബാങ്കുകളാണ് ഗ്രാമത്തിൽ പ്രവർത്തിക്കുന്നത്. എസ്ബിഐ, എച്ച്ഡിഎഫ്സി, കാനറ, ഐസിഐസിഐ, ആക്സിസ്, പിഎൻബി തുടങ്ങിയ പ്രമുഖ ബാങ്കുകളെല്ലാം ഗ്രാമത്തിൽ പ്രവർത്തിക്കുന്നുണ്ട്. ഇവരുടെ ജനസംഖ്യ 32000ത്തോളം വരും. പട്ടേൽ വിഭാഗക്കാരാണ് കൂടുതലുള്ളത്. ഗ്രാമത്തിൽ താമസിക്കുന്ന മിക്ക കുടുംബങ്ങളും എൻആർഐ ആണ് എന്നതാണ് ഈ സമ്പന്നതക്ക് കാരണം.
മിക്ക കുടുംബങ്ങളിലുള്ളവരും അമേരിക്ക, യുകെ, ന്യൂസിലാൻഡ്, ഓസ്ട്രേലിയ, മറ്റ് യൂറോപ്യൻ, ആഫ്രിക്കൻ രാജ്യങ്ങൾ എന്നിവിടങ്ങളിൽ താമസിക്കുന്നു. നിരവധി ഗ്രാമീണർ വിദേശത്ത് താമസിക്കുകയും ജോലി ചെയ്യുകയും ചെയ്യുന്നുണ്ടെങ്കിലും ഗ്രാമവുമായുള്ള ബന്ധം വിട്ടിട്ടില്ല. നാട്ടിലെ ബാങ്കുകളിലാണ് ഇവർ പണം നിക്ഷേപിക്കുന്നത്. ഇതാണ് ഗ്രാമത്തിന്റെ സ്വപ്നതുല്യമായ വളർച്ചക്ക് കാരണമായത്. ഉന്നത നിലവാരം പുലർത്തുന്ന ഗ്രാമത്തിലെ അടിസ്ഥാന സൗകര്യങ്ങളായ ശുചിത്വം, വെള്ളം, റോഡുകൾ, സ്കൂളുകൾ, പാർക്കുകൾ എന്നിവ അതിന്റെ തെളിവാണ്.
Discover more from Radio Keralam 1476 AM News
Subscribe to get the latest posts sent to your email.
