ഉത്തരാഖണ്ഡിലെ രുദ്രപ്രയാഗില് കനത്തമഴയെ തുടര്ന്നുണ്ടായ മണ്ണിടിച്ചിലില് മൂന്ന് തീര്ഥാടകര്ക്ക് ദാരുണാന്ത്യം. കേദാര്നാഥ് ക്ഷേത്രത്തിലേക്കുള്ള യാത്രയ്ക്കിടെയാണ് അപകടം. മരിച്ചവരില് രണ്ടുപേര് മഹാരാഷ്ട്ര സ്വദേശികളാണ്. ഒരാള് രുദ്രപ്രയാഗ് സ്വദേശിയാണെന്നാണ് വിവരം.
സംഭവത്തില് എട്ട് പേര്ക്ക് പരിക്കേറ്റിട്ടുമുണ്ട്.രുദ്രപ്രയാഗ് ജില്ലയിലെ ഗൗരികുണ്ഡ്-കേദാര്നാഥ് ട്രക്കിങ് പാതയിലെ ചിര്ബാസയ്ക്കു സമീപമായിരുന്നു അപകടം. പരിക്കേറ്റവരെ ആശുപത്രിയില് പ്രവേശിപ്പിച്ചു.
സംസ്ഥാനത്തേയും ജില്ലയിലേയും ദുരന്ത നിവാരണ സേനകള് സംയുക്തമായി രക്ഷാപ്രവര്ത്തനം നടത്തുകയാണ്. യാത്രക്കാര് സുരക്ഷിത സ്ഥാനങ്ങളിലേക്ക് മാറണമെന്ന് അധികൃതര് നിര്ദേശിച്ചിട്ടുണ്ട്. സംസ്ഥാനത്ത് വിവിധയിടങ്ങളില് പ്രധാനപാതകളിലെ ഗതാഗതം തടസ്സപ്പെട്ടിട്ടുണ്ട്.
Discover more from Radio Keralam 1476 AM News
Subscribe to get the latest posts sent to your email.
