ഡൽഹി മദ്യനയ അഴിമതി കേസിൽ അറസ്റ്റിലായ ഡൽഹി മുഖ്യമന്ത്രി അരവിന്ദ് കെജ്രിവാളിനെ മുഖ്യമന്ത്രി സ്ഥാനത്ത് നിന്ന് നീക്കണമെന്നാവശ്യപ്പെട്ടുള്ള ഹര്ജിയില് ഇടപെടാതെ ഡൽഹി ഹൈക്കോടതി. നിലവില് കോടതി ഇക്കാര്യത്തില് ഇടപെടേണ്ടതില്ലെന്ന് വ്യക്തമാക്കി ഹര്ജി ഡൽഹി ഹൈക്കോടതി തള്ളി. ഇതിനിടെ, ഇഡി കസ്റ്റഡി കാലാവധി ഇന്ന് തീരുന്ന സാഹചര്യത്തില് അരവിന്ദ് കെജ്രിവാളിനെ അല്പസമയം മുമ്പ് വിചാരണ കോടതിയില് എത്തിച്ചു.
ഡൽഹി റൗസ് അവന്യു ജില്ലാ കോടതിയിലാണ് വൻ സുരക്ഷയോടെ അരവിന്ദ് കെജ്രിവാളിനെ എത്തിച്ചത്. കോടതിക്ക് പുറത്ത് കേന്ദ്ര സേനയെ വിന്യസിച്ചു സുരക്ഷാ കൂട്ടിയിട്ടുണ്ട്. ഡൽഹി മന്ത്രിമാരായ അതിഷി, സൗരഭ് ഭരദ്വാജ് എന്നിവർ കോടതിയിൽ എത്തി. അരവിന്ദ് കെജ്രിവാളിന്രെ ഭാര്യ സുനിത കെജ്രിവാളും കോടതിയിൽ എത്തിയിട്ടുണ്ട്. കസ്റ്റഡി കാലാവധി നീട്ടി നല്കണമെന്നായിരിക്കും ഇഡി ആവശ്യപ്പെടുക.
Discover more from Radio Keralam 1476 AM News
Subscribe to get the latest posts sent to your email.
