പൊതുസ്ഥലങ്ങളിൽ വാഹനങ്ങൾ വൃത്തിയാക്കുന്നതിന് മസ്കത്ത് നഗരസഭ (Muscat Municipality) കർശന നിയന്ത്രണങ്ങൾ ഏർപ്പെടുത്തി. പ്രഷർ പമ്പുകൾ ഉപയോഗിച്ച് പൊതുസ്ഥലങ്ങൾ, കെട്ടിടങ്ങൾക്ക് മുൻവശം, റോഡുകൾ എന്നിവിടങ്ങളിൽ വെച്ച് വാഹനങ്ങൾ കഴുകുന്നത് നിരോധിച്ചു.
പൊതു ഇടങ്ങളിൽ വാഹനങ്ങൾ കഴുകുന്ന രീതി വർദ്ധിച്ചുവരുന്ന സാഹചര്യത്തിലാണ് നഗരസഭ ഈ മുന്നറിയിപ്പ് നൽകിയത്. ഈ പ്രവൃത്തി പാരിസ്ഥിതികവും ആരോഗ്യപരവുമായ ദോഷങ്ങൾക്ക് കാരണമാകും. അഴുക്കും മാലിന്യങ്ങളും പൊതുസ്ഥലത്ത് പരന്ന് വൃത്തിഹീനമായ സാഹചര്യം സൃഷ്ടിക്കുകയും ഇത് പൊതുജനാരോഗ്യത്തിന് അപകടമുണ്ടാക്കുകയും ചെയ്യും.
