രാഹുൽ മാങ്കൂട്ടത്തിൽ എം.എൽ.എ ഒന്നാം പ്രതിയായ ലൈംഗികാതിക്രമ കേസിലെ രണ്ടാം പ്രതി ജോബി ജോസഫിന് ജില്ലാ പ്രിൻസിപ്പൽ സെഷൻസ് കോടതി മുൻകൂർ ജാമ്യം അനുവദിച്ചു. പത്തനംതിട്ട കോന്നി സ്വദേശിയായ ജോബി, രാഹുലിന്റെ അടുത്ത സുഹൃത്താണ്. രാഹുൽ മാങ്കൂട്ടത്തിലിന്റെ നിർദ്ദേശപ്രകാരം തനിക്ക് ഗർഭച്ഛിദ്രത്തിനുള്ള ഗുളികകൾ എത്തിച്ചു നൽകിയത് ജോബിയാണെന്ന പരാതിക്കാരിയുടെ മൊഴിയുടെ അടിസ്ഥാനത്തിലാണ് ഇയാളെ പ്രതിപ്പട്ടികയിൽ ഉൾപ്പെടുത്തിയത്.
അതേസമയം, രാഹുൽ മാങ്കൂട്ടത്തിലിനെതിരെ പരാതിക്കാരിയുടെ ഭർത്താവ് രംഗത്തെത്തി. രാഹുൽ തന്റെ കുടുംബജീവിതം തകർത്തുവെന്ന് ആരോപിച്ച് ഭർത്താവ് മുഖ്യമന്ത്രിക്കും ഡി.ജി.പിക്കും പരാതി നൽകി. ഭാരതീയ ന്യായ സംഹിതയിലെ സെക്ഷൻ 84 (സ്ത്രീയുടെ അന്തസ്സിന് ഭംഗം വരുത്തുകയോ ഉപദ്രവിക്കുകയോ ചെയ്യുക) പ്രകാരം രാഹുലിനെതിരെ കേസെടുക്കണമെന്നാണ് പരാതിയിലെ ആവശ്യം.
പാലക്കാട് ഉപതിരഞ്ഞെടുപ്പിന് പിന്നാലെ രാഷ്ട്രീയ ചർച്ചകളിൽ രാഹുൽ മാങ്കൂട്ടത്തിൽ സജീവമായി നിൽക്കുന്ന ഘട്ടത്തിലാണ് ഈ ഗുരുതരമായ ആരോപണങ്ങൾ ഉയരുന്നത്. പരാതിക്കാരിയുടെ ഭർത്താവിന്റെ വെളിപ്പെടുത്തൽ വരും ദിവസങ്ങളിൽ രാഷ്ട്രീയമായി വലിയ വിവാദങ്ങൾക്ക് വഴിവെക്കുമെന്ന് ഉറപ്പാണ്. കേസുമായി ബന്ധപ്പെട്ട ശാസ്ത്രീയ തെളിവുകൾ ശേഖരിക്കുന്നതിനായി പ്രത്യേക അന്വേഷണ സംഘം നടപടികൾ വേഗത്തിലാക്കിയിട്ടുണ്ട്.
Discover more from Radio Keralam 1476 AM News
Subscribe to get the latest posts sent to your email.
