വ്യോമസേന പരിശീലന വിമാനം തകർന്ന് വീണു; പൈലറ്റ് സുരക്ഷിതം, അന്വേഷണം ആരംഭിച്ചു

ചെന്നൈയിൽ വ്യോമസേന പരിശീലന വിമാനം തകർന്ന് വീണു. വിമാനം താംബരത്തിന് സമീപമുള്ള ചതുപ്പിലെക്കാണ് തകർന്നു വീണത്. സ്ഥിരം പരിശീലനത്തിനായി ഉപയോഗിക്കുന്ന പൈലറ്റസ് PC -7 വിമാനമാണ് തകർന്നത്. അപകടം നടക്കുമ്പോൾ വിമാനത്തിൽ ഒരു പൈലറ്റ് മാത്രമായിരുന്നു ഉണ്ടായിരുന്നത്. അപകടത്തിൽ പൈലറ്റ് പാരച്യൂട്ട് ഉപയോഗിച്ച് രക്ഷപ്പെടുകയായിരുന്നുവെന്ന് വ്യോമസേന അറിയിച്ചു. വിമാനം ചതുപ്പിലേക്ക് വീണതിനാൽ കൂടുതൽ അപകടം ഒഴിവായെന്നും സംഭവത്തിൽ അന്വേഷണം ആരംഭിച്ചെന്നും വ്യോമസേന വ്യക്തമാക്കി