ഗൾഫ് മലയാളികൾക്ക് ആശ്വാസം;മസ്‌കത്ത്‌ കോഴിക്കോട് സർവീസുകൾ വർധിപ്പിച്ച് സലാം എയർ

മസ്‌കത്ത്- കോഴിക്കോട് സർവീസുകൾ വർധിപ്പിച്ച് ഒമാന്റെ ബജറ്റ് എയർലൈനായ സലാം എയർ. വെള്ളിയാഴ്ചകളികാണ് ഓരോ സർവീസുകളാണ് അധികമായി ഉൾപ്പെടുത്തിയത്. ആഴ്ചയിൽ എല്ലാ ദിവസവും രാത്രി 10.55നാണ് മസ്‌കത്തിൽ നിന്ന് പതിവ് വിമാനം പുറപ്പെടുന്നത്. വെള്ളിയാഴ്ചകളിൽ വൈകിട്ട് അഞ്ച് മണിക്കും സർവീസുണ്ടാകും. കോഴിക്കോട് നിന്ന് പുലർച്ചെ 4.50നാണ് പതിവ് വിമാനം. വെള്ളിയാഴ്ചകളിൽ രാത്രി 10.45നാണ് അധിക സർവീസ്. ഡിസംബർ വരെയാണ് നിലവിൽ അധിക സർവീസ് പ്രഖ്യാപിച്ചിട്ടുള്ളത്.കോഴിക്കോട് നിന്ന് വരുന്നവർക്ക് മസ്‌കത്ത് വഴി ജിദ്ദ, റിയാദ്, ദമാം, കുവൈത്ത്, ദോഹ എന്നീ വിമാനത്താവളങ്ങളിലേക്ക് കണക്ഷൻ വിമാന സർവീസുകളും ലഭ്യമാണ്.