സിപിഎം കൊയിലാണ്ടി ടൗണ് സെന്ട്രല് ലോക്കല് സെക്രട്ടറി പുളിയോറ വയലില് പിവി സത്യനാഥന്റെ കൊലപാതകത്തില് പ്രത്യേക അന്വേഷണസംഘം രൂപീകരിച്ചു. വടകര ഡിവൈഎസ്പിയുടെ നേതൃത്വത്തിലുള്ള പതിനാലംഗ സംഘമാണ് അന്വേഷിക്കുക. പേരാമ്പ്ര, താമരശേരി ഡിവൈഎസ്പിമാരും അന്വേഷണസംഘത്തിലുണ്ട്.
കൊലപ്പെടുത്താൻ ഉപയോഗിച്ച ആയുധം കണ്ടെത്തി. കൃത്യം നടന്ന സ്ഥലത്തിന് അടുത്തുനിന്നാണ് ആയുധം കണ്ടെത്തിയത്. കൊലയ്ക്ക് കാരണം വ്യക്തിവിരോധമെന്നു പ്രതി അഭിലാഷ് പൊലീസിന് മൊഴി നൽകി. ഇയാളുടെ അറസ്റ്റ് രേഖപ്പെടുത്തി.
സത്യനാഥന്റെ മൃതദേഹത്തില് ആഴത്തിലുള്ള 6 മുറിവുകളെന്ന് ഇന്ക്വസ്റ്റ് റിപ്പോര്ട്ട്. സത്യനാഥന്റെ കഴുത്തിലും നെഞ്ചിലുമാണു മുറിവുകളുള്ളത്. ആഴത്തിലേറ്റ മുറിവുകളാണു മരണകാരണമെന്ന് പോസ്റ്റ്മോര്ട്ടത്തില് വ്യക്തമായി. കോഴിക്കോട് മെഡിക്കല് കോളജ് മോര്ച്ചറിയില് വച്ചായിരുന്നു പോസ്റ്റ്മോര്ട്ടം.
Discover more from Radio Keralam 1476 AM News
Subscribe to get the latest posts sent to your email.
