മലപ്പുറത്തത്തിന് പിന്നാലെ കാണപ്പെട്ടത് ദേശീയപാതയിൽ വിള്ളൽ; വിവിധയിടങ്ങളിൽ പ്രതിഷേധം

സംസ്ഥാനത്ത് ദേശീയപാതയിൽ വിവിധ ഇടങ്ങളിൽ വിള്ളൽ കാണപ്പെട്ടു
മലപ്പുറത്തത്തിന് പിന്നാലെ തൃശൂർ, കണ്ണൂർ,കാഞ്ഞങ്ങാട് എഎന്നിവിടങ്ങളിലാണ് വിള്ളൽ കാണപ്പെട്ടത്.തൃശൂർ ചാവക്കാട് ദേശീയപാതയിൽ മേൽപ്പാലത്തിന് മുകളിൽ ടാറിട്ട ഭാഗത്താണ് വിള്ളൽ കാണപ്പെട്ടത്. 50 മീറ്റർ നീളത്തിലാണ് വിള്ളൽ രൂപപ്പെട്ടത്.

കണ്ണൂർ തളിപ്പറമ്പിലും ദേശീയപാത നിർമാണത്തിലെ അപാകത ആരോപിച്ച് നാട്ടുകാർ പ്രതിഷേധവുമായി രംഗത്തെത്തി. കുപ്പത്ത് നാട്ടുകാർ റോഡ് ഉപരോധിച്ചു. ചൊവ്വാഴ്ചത്തെ മഴയിൽ പണിനടക്കുന്ന ദേശീയപാതയിൽനിന്ന് വീടുകളിലേക്ക് ചെളിയും മണ്ണും ഒഴുകിയിറങ്ങിയിരുന്നു. ഇത് ചൂണ്ടിക്കാട്ടിയാണ് പ്രതിഷേധം. സ്ത്രീകൾ ഉൾപ്പെടെ പ്രതിഷേധവുമായി രംഗത്തെത്തി

ദേശീയ പാത നിർമാണത്തിലെ അപാകതകൾ ചൂണ്ടികാട്ടി പ്രദേശത്ത് യൂത്ത് കോൺഗ്രസിന്റെ നേതൃത്വത്തിൽ പ്രതിഷേധിച്ചു. പ്രവർത്തകർ റോഡ് ഉപരോധിച്ചതോടെ ഗതാഗതം സ്തംഭിച്ചു. പ്രദേശത്ത് ഗതാഗത കുരുക്ക് രൂപപ്പെട്ടിട്ടുണ്ട്. പ്രതിഷേധക്കാരെ പോലീസ് അറസ്റ്റ് ചെയ്തുനീക്കി