പിഎം ശ്രീ; ചർച്ച ചെയ്യാൻ സിപിഎം; നാളെ അടിയന്തര സെക്രട്ടേറിയറ്റ് യോഗം

പിഎം ശ്രീ ചർച്ച ചെയ്യാൻ സിപിഎം നാളെ അടിയന്തര സെക്രട്ടേറിയറ്റ് യോഗം ചേരും.
രാവിലെ 10 മണിക്കാണ് യോഗം.മുഖ്യമന്ത്രി വിദേശത്തു നിന്ന് തിരിച്ചെത്തിയതിന് പിന്നാലെയാണ് യോഗം ചേരുന്നത്. ഇന്ന് രാത്രി 8 മണിയോടെ
യാണ് മുഖ്യമന്ത്രി പിണറായി വിജയൻ ഗൾഫ് സന്ദർശനം പൂർത്തിയാക്കി തിരുവനന്തപുരത്തെത്തിയത്.

പാർട്ടി ജനറൽ സെക്രട്ടറി എം.എ ബേബി യോഗത്തിൽ പങ്കെടുക്കും. സിപിഐ കേന്ദ്ര നേതൃത്വത്തിന്റെ ആശങ്ക ബേബി സെക്രട്ടേറിയറ്റ് യോഗത്തെ അറിയിക്കും.
സിപിഐ പിഎം ശ്രീയിൽ സിപിഎം നിലപാടിന് വഴങ്ങുന്നുവെന്നും സൂചനയുണ്ട്. മുഖ്യമന്ത്രി പിണറായി വിജയൻ സിപിഐ സംസ്ഥാന സെക്രട്ടറി ബിനോയ് വിശ്വവുമായി ഫോണിൽ സംസാരിച്ചു. നാളെ നടക്കുന്ന സിപിഎം സെക്രട്ടേറിയറ്റ് യോഗത്തിൽ സിപിഐയുടെ ആശങ്ക പരിഹരിക്കാനുള്ള തീരുമാനങ്ങളുണ്ടാവും എന്നാണ് വിവരം.