കാട്ടുപോത്തിന്റെ ആക്രമണത്തില് കോഴിക്കോട് കക്കയത്ത് കര്ഷകൻ കൊല്ലപ്പെട്ട സംഭവത്തില് വ്യാപക പ്രതിഷേധമാണ് നടക്കുന്നത്. കോഴിക്കോട് മെഡിക്കല് കോളേജ് ആശുപത്രിയില് പ്രതിഷേധവുമായി കോണ്ഗ്രസ് പ്രവര്ത്തകരും നാട്ടുകാരും രംഗത്തെത്തി. സ്ഥലത്ത് സംഘര്ഷാവസ്ഥ ഇപ്പോഴും തുടരുകയാണ്.
അധികൃതര് സ്ഥലത്ത് എത്താതെ മരിച്ച കര്ഷകന്റെ മൃതദേഹം മോര്ച്ചറിയിലേക്ക് മാറ്റാൻ അനുവദിക്കില്ലെന്നാണ് കോണ്ഗ്രസ് നേതാക്കള് വ്യക്തമാക്കുന്നത്. മൃതദേഹവുമായി പുറത്തേക്ക് വന്ന ആംബുലന്സ് കോണ്ഗ്രസ് പ്രവര്ത്തകര് തടയുകയായിരുന്നു. ഇതോടെ സ്ഥലത്ത് നേരിയ സംഘര്ഷമുണ്ടായി. തുടർന്ന് കൂടുതല് പെോലീസും സ്ഥലത്തെത്തിയിട്ടുണ്ട്.
കളക്ടര് മെഡിക്കല് കോളേജില് ഉടൻ എത്തണം, കര്ഷകനെ ആക്രമിച്ച കാട്ടുപോത്തിനെ വെടിവെച്ച് കൊല്ലാൻ ജില്ലാ കളക്ടര് ഉത്തരവിടണം, മതിയായ നഷ്ടപരിഹാരം നല്കണം തുടങ്ങിയ ആവശ്യങ്ങളുന്നയിച്ചു കൊണ്ടാണ് പ്രതിഷേധം. തീരുമാനം അംഗീകരിച്ചില്ലെങ്കില് മൃതദേഹം മോര്ച്ചറിയിലേക്ക് മാറ്റാൻ അനുവദിക്കില്ലെന്നാണ് നേതാക്കള് വ്യക്തമാക്കുന്നത്. രണ്ടു ദിവസമായി കക്കയം മേഖലയില് ജനങ്ങളുടെ ജീവന് ഭീഷണിയായി കാട്ടുപോത്ത് ഇറങ്ങിയിട്ടും വനംവകുപ്പ് യാതൊരു നടപടിയും സ്വീകരിച്ചില്ലെന്നാണ് ഉയരുന്ന ആരോപണം.
Discover more from Radio Keralam 1476 AM News
Subscribe to get the latest posts sent to your email.
