കരുനാഗപ്പള്ളിയിൽ കലാശക്കൊട്ടിനിടെയുണ്ടായ ആക്രമണവുമായി ബന്ധപ്പെട്ട കേസില് സിആര് മഹേഷ് എംഎല്എക്കെതിരെ വധശ്രമത്തിന് കേസെടുത്തു. കൂടാതെ 149 യുഡിഎഫ് പ്രവര്ത്തകര്ക്കെതിരെയും പോലീസ് എഫ്ഐആര് രജിസ്റ്റര് ചെയ്തിട്ടുണ്ട്. കൊട്ടിക്കലാശത്തിനിടെ സിപിഎം സംസ്ഥാന സമിതി അംഗം സൂസൻ കോടിക്കെതിരായ ആക്രമണത്തിലാണ് നിലവിൽ പോലീസ് കേസെടുത്തിരിക്കുന്നത്.
സംഘര്ഷത്തില് സിആര് മഹേഷ് എംഎല്എക്കും പരിക്കേറ്റിരുന്നു. കൊട്ടിക്കലാശത്തിനിടെ എല്ഡിഎഫ് പ്രവര്ത്തകരും യുഡിഎഫ് പ്രവര്ത്തകരും തമ്മില് സംഘര്ഷമുണ്ടായിരുന്നു. ഇതിനിടയിലാണ് സിആര് മഹേഷ് എംഎല്എക്ക് പരിക്കേറ്റത്. സിഐ ഉള്പ്പെടെ നാലു പോലീസുകാര്ക്കും പരിക്കേൽക്കുകയുണ്ടായി. പോലീസ് പ്രവര്ത്തകരെ പിരിച്ചുവിടാൻ കണ്ണീര് വാതകം പ്രയോഗിക്കുകയും ചെയ്തിരുന്നു. സിആര് മഹേഷ് എംഎല്എ താലൂക്ക് ആശുപത്രിയില് ചികിത്സ തേടുകയായിരുന്നു.
സംഘര്ഷത്തിനിടെയുണ്ടായ കല്ലേറിലാണ് എം എല് എക്കും പോലീസുകാര്ക്കും പരിക്കേറ്റത്. മാത്രവുമല്ല കരുനാഗപ്പള്ളിയിലെ സംഘര്ഷത്തിനിടെ സിപിഎം സംസ്ഥാന കമ്മിറ്റി അംഗം സൂസൻ കൊടിയിലിനും പരിക്കേറ്റിരുന്നു. കല്ലേറിനിടെ തന്നെയാണ് പരിക്കേറ്റത്. പോലീസ് ലാത്തിവീശിയാണ് പ്രവര്ത്തകരെ പിരിച്ചവിട്ടത്. കരുനാഗപ്പള്ളി എസിപി പ്രദീപ്കുമാറിനും പരിക്കേറ്റതാണ് റിപ്പോർട്ട്. സംഭവത്തില് സൂസൻ കൊടിയില് പോലീസില് പരാതി നല്കിയിരുന്നു. ഈ പരാതിയിലാണിപ്പോള് പോലീസ് കേസെടുത്തിരിക്കുന്നത്.
Discover more from Radio Keralam 1476 AM News
Subscribe to get the latest posts sent to your email.
