പശ്ചിമേശ്യൻ സംഘർഷം; രണ്ട് സ്വതന്ത്ര രാജ്യങ്ങൾ ഉണ്ടാവുകയാണ് പരിഹാരം, ഫ്രാൻസിസ് മാർപ്പാപ്പ

പശ്ചിമേഷ്യൻ സംഘർഷത്തിന് പരിഹാരം ഉണ്ടാകണമെങ്കിൽ രണ്ട് സ്വതന്ത്ര രാഷ്ട്രങ്ങൾ ഉണ്ടാവുകയാണ് പരിഹാരമെന്ന് ഫ്രാൻസിസ് മാർപ്പാപ്പ. ഇറ്റാലിയൻ മാധ്യമത്തിന് നൽകിയ അഭിമുഖത്തിലാണ് ആഗോള കത്തോലിക്കാ സഭയുടെ തലവൻ ദ്വിരാഷ്ട്ര പ്രശ്ന പരിഹാരത്തെ പിന്തുണച്ചത്. വിശുദ്ധ നാട്ടിലെ യുദ്ധം ഭയപ്പെടുത്തുന്നത് ആണ്. ഇതെങ്ങനെയാണ് അവസാനിക്കാൻ പോകുന്നത്? അക്രമത്തിന്റെ വ്യാപനം എന്നാൽ കൂടുതൽ ജീവനുകൾ ഇല്ലാതാവലാണ്. ഏറ്റവും യുക്തമായ പരിഹാരം രണ്ടു രാജ്യങ്ങൾ ആണെന്നും പോപ്പ് പറഞ്ഞു.