തിളപ്പിച്ച വെള്ളത്തിൽ സാധാരണ വെള്ളം ചേർത്ത് കുടിക്കരുത്

മഴക്കാലമാണ്, ധാരാളം പകർച്ചവ്യാധികളുടെയും കാലം കൂടിയാണിത്. കുടിക്കാൻ തയാറാക്കുന്ന വെള്ളത്തിന്‍റെ കാര്യത്തിൽ കൂടുതൽ ശ്രദ്ധവേണം.

സൂപ്പർ ക്ലോറിനേഷൻ

വെ​ള്ള​പ്പൊ​ക്ക ഭീ​ഷ​ണി​യുള്ള സ്ഥലങ്ങളിൽ (ആ​ദ്യ ത​വ​ണ​യെ​ങ്കി​ലും) സൂ​പ്പ​ർ ക്ലോ​റി​നേ​ഷ​ൻ ചെ​യ്യു​ക​യാ​യി​രി​ക്കും ഉ​ത്ത​മം. അ​തി​നാ​യി ബ്ലീ​ച്ചിം​ഗ് പൗ​ഡ​റി​ന്‍റെ അ​ള​വ് ഏ​റെ​ക്കു​റെ ഇ​ര​ട്ടി​യാ​ക്കു​ക. മ​ഴ​ക്കാ​ലം ക​ഴി​യു​ന്ന​തു​വ​രെ​യെ​ങ്കി​ലും ഇ​ടയ്​ക്കി​ടയ്​ക്ക് (ജ​ല​സ്രോ​ത​‌​സി​ൽ നി​ന്നു ബ്ലീ​ച്ചിം​ഗ് പൗ​ഡ​റി​ന്‍റെ ഗ​ന്ധം ഇ​ല്ലാ​താ​യാ​ൽ ഉ​ട​നെ ) ക്ലോ​റി​നേ​ഷ​ൻ ചെ​യ്യു​ന്ന​താ​ണ് ഉ​ത്ത​മം.

ക്ലോ​റി​ൻ ചേ​ർ​ത്ത വെ​ള്ള​ത്തി​നു​ണ്ടാ​കു​ന്ന അ​രു​ചി ഒ​രു പാ​ത്ര​ത്തി​ലെ​ടു​ത്ത് അ​ൽ​പ​നേ​രം തു​റ​ന്നു വെ​ച്ചാ​ൽ കു​റയും. ക്ലോ​റി​നേ​ഷ​ൻ ചെ​യ്ത വെ​ളളം കു​ടി​ക്കാ​ൻ വി​മു​ഖ​ത കാ​ണി​ക്കു​ന്ന​വ​ർ കു​ടി​ക്കാ​നു​ള്ള വെ​ള്ളം പ​തി​ന​ഞ്ചു മു​ത​ൽ ഇ​രു​പ​ത് മി​നി​റ്റെ​ങ്കി​ലും തി​ള​പ്പി​ച്ച ശേ​ഷം ചൂ​ടാ​റ്റി ഉ​പ​യോ​ഗി​ക്കു​ക. ഒ​രു കാ​ര​ണ​വ​ശാ​ലും ചൂ​ടാ​റ്റു​വാ​ൻ തി​ള​പ്പി​ച്ച വെ​ള്ള​ത്തി​ലേ​ക്ക് പ​ച്ച​വെ​ള്ളം ചേ​ർ​ത്ത് ഉ​പ​യോ​ഗി​ക്ക​രു​ത്.

തു​റ​‌​സാ​യ ഇ​ട​ങ്ങ​ളി​ൽ ജ​ല​സ്രോ​ത​‌​സു​ക​ൾ​ക്കു സ​മീ​പം പ്ര​ത്യേ​കി​ച്ചും കി​ണ​റു​ക​ളു​ടെ സ​മീ​പ പ്ര​ദേ​ശ​ങ്ങ​ളി​ൽ മ​ല​മൂ​ത്ര വി​സ​ർ​ജ​നം ന​ട​ത്താ​നു​ള്ള സാ​ഹ​ച​ര്യം നി​ർ​ബ​ന്ധ​മാ​യും ഒ​ഴി​വാ​ക്കേ​ണ്ട​താ​ണ്. കി​ണ​റി​ലെ ക​ല​ങ്ങി​യ വെ​ള്ളം സാ​വ​ധാ​നം തെ​ളി​യാ​നാ​യി ക്ഷ​മ​യോ​ടെ കാ​ത്തി​രി​ക്കു​ക​യാ​യി​രി​ക്കും ഭാ​വി​യി​ലേ​ക്കും ആ​രോ​ഗ്യ​ത്തി​നും ന​ല്ല​ത്. ക​ല​ക്ക് മാ​റ്റാ​ൻ ഒ​രു പ്ര​തി​വി​ധി എ​ന്ന നി​ല​യി​ൽ കി​ണ​റി​ൽ ​ആ​ലം​ പോ​ലു​ള്ള കെ​മി​ക്ക​ൽ ചേ​ർ​ക്കു​ന്ന​താ​യി ക​ണ്ടു​വ​രാ​റു​ണ്ട് . എ​ന്നാ​ൽ കി​ണ​റു​ക​ളി​ൽ ആ​ലം ഉ​പ​യോ​ഗി​ക്കു​ന്നതു പ​ല ആ​രോ​ഗ്യപ്ര​ശ്ന​ങ്ങ​ൾ​ക്കും കാ​ര​ണ​മാ​കാം.

ക​ല​ങ്ങി​യ വെ​ള്ളം, ബ​ക്ക​റ്റി​ലെ​ടു​ത്തു വെ​ച്ച് ഊ​റാ​ൻ സ​മ​യം കൊ​ടു​ത്ത് തെ​ളി​ച്ചൂ​റ്റി ഉ​പ​യോ​ഗി​ക്കു​ക​യോ, (വെ​ള്ള​പ്പൊ​ക്ക സ​മ​യ​ങ്ങ​ളി​ൽ തെ​ളി​ഞ്ഞ​താ​യാ​ലും) കോ​ട്ട​ണ്‍ തു​ണി അ​ടു​ക്കു​ക​ളാ​യി വെ​ച്ച് അ​രി​ച്ചെ​ടു​ക്കു​ക​യോ, വെ​ള്ള​മെ​ടു​ക്കു​ന്ന ടാ​പ്പി​ന്‍റെ അ​റ്റ​ത്ത് പ​ഞ്ഞി​യോ ​തു​ണി​യോ ന​ല്ല​പോ​ലെ കെ​ട്ടി​വെ​ച്ച് അ​തി​ലൂ​ടെ വെ​ള്ളം എ​ടു​ക്കു​ക. അല്ലെങ്കിൽ മാർക്ക​റ്റി​ൽ നി​ന്നു കി​ട്ടു​ന്ന ഒ​രു സാ​ധാ​ര​ണ ഫി​ൽ​ട്ട​ർ ഉ​പ​യോ​ഗി​ക്കു​ക​.