ചുവപ്പ് ചീര ചേർത്ത് ഗോതമ്പ് അപ്പം കൂടുതൽ പോഷകമാക്കി മാറ്റാം

ഡയറ്റിൽ ചേർക്കാൻ പറ്റുന്ന സ്വാദിഷ്ടവും പോഷകസമൃദ്ധവുമായ ചുവപ്പ് ചീര ചേർത്ത് ഗോതമ്പ് അപ്പം ഉണ്ടാക്കാം.

ഉണ്ടാക്കാൻ ആവശ്യമുള്ള സാധനങ്ങൾ

ഗോതമ്പുപൊടി- 1 കപ്പ്

ചീരയില അരിഞ്ഞത്- 1 കപ്പ്

ചുവന്നുള്ളി നീളത്തിൽ അരിഞ്ഞത്- 10 എണ്ണം

പച്ചമുളക് ചെറുതായി അരിഞ്ഞത്- 5 എണ്ണം

ഇഞ്ചി ഗ്രേറ്റ് ചെയ്തത്- 1 എണ്ണം ഇടത്തരം കഷണങ്ങളാക്കിയത്

ഉപ്പ് – പാകത്തിന്

എണ്ണ- പാകത്തിന്

വെള്ളം- ആവശ്യത്തിന്

തയ്യാറാക്കുന്ന വിധം

ഗോതമ്പുപൊടിയിലേക്ക് ചീരയില, ചുവന്നുള്ളി, പച്ചമുളക്, ഇഞ്ചി, ഉപ്പ് എന്നിവ ചേർത്ത് അൽപ്പം വെള്ളത്തിൽ കട്ടിയിൽ കുഴയ്ക്കുക. ദോശക്കല്ലിൽ എണ്ണ പുരട്ടി കൈകൊണ്ട് അധികം കട്ടിയില്ലാതെ പരത്തിയെടുക്കാം. ഒരു വശം മൊരിഞ്ഞശേഷം മറിച്ചിടുക.