അമിതമായി പിസ്ത കഴിക്കുന്നവരാണോ?: എന്നാൽ ഇതൊന്ന് അറിയുക

ആരോഗ്യത്തിന് സഹായിക്കുന്ന നട്‌സിൽ പിസ്തയും മുന്നിൽ തന്നെയാണ്. വൈറ്റമിനുകൾ, മിനറലുകൾ, ഫാറ്റി ആസിഡുകൾ എന്നിവ അടങ്ങിയതാണ് പിസ്ത. എന്നാൽ അധികമായി പിസ്ത കഴിക്കുന്നത് അത്ര നല്ലതല്ല. പിസ്ത കൂടുതൽ കഴിച്ചാലുള്ള പ്രശ്നങ്ങൾ ചുവടെ

• ഇതിൽ കലോറി കൂടുതലാണ്. 100 ഗ്രാമിൽ തന്നെ 560 കലോറിയടങ്ങിയിട്ടുണ്ട്. ശരീരത്തിനാവശ്യമുള്ള ആകെ കലോറിയുടെ നാലിലൊരു ഭാഗം. ഇതു കൂടുതൽ കഴിച്ചാൽ തടി കൂടുമെന്ന കാര്യത്തിൽ സംശയം വേണ്ട.

• സാധാരണ പിസ്തയിൽ 0-2 മില്ലീഗ്രാം സോഡിയം മാത്രമേ അടങ്ങിയിട്ടുള്ളൂ. എന്നാൽ ഇവ വറുത്തു കഴിയ്ക്കുമ്പോൾ ഉപ്പു ചേർക്കുന്നതു പതിവ്. ഇതുകൊണ്ടുതന്നെ ഒരൗൺസിൽ 121 മില്ലീഗ്രാം സോഡിയമുണ്ടാകാൻ സാധ്യതയുണ്ട്. ഇത് ബിപിയ്ക്കും ഇതുവഴി ഹൃദയപ്രശ്‌നങ്ങൾക്കും കാരണമാകുകയും ചെയ്യും.

• ശരീരത്തിന് മാംഗനീസ് ആവശ്യമാണ്. എന്നാൽ മാംഗനീസ് തോതു കൂടുന്നത് ആരോഗ്യത്തിന് ദോഷകരമാണ്. ഇത് തലവേദന, വിശപ്പു കുറവ്, കാൽ വേദന, ന്യൂറോളജിക്കൽ പ്രശ്‌നങ്ങൾ എന്നിവയ്ക്കുള്ള കാരണമാകും.

• വറുത്തു പിസ്ത കഴിയ്ക്കുന്നത് ക്യാൻസർ സാധ്യത വർദ്ധിപ്പിയ്ക്കുമെന്നു പറയാം. കാരണം പിസ്ത വറുക്കുമ്പോൾ ഇതിൽ അക്രൈലമൈഡ് എന്ന ഘടകം രൂപപ്പെടുന്നു. ഇത് ക്യാൻസർ സാധ്യത വർദ്ധിപ്പിയ്ക്കുന്ന കാർസിനോജനാണ്.

• കിഡ്‌നി പ്രശ്‌നങ്ങളുള്ളവർക്ക് പിസ്ത നല്ലതല്ല. കാരണം ഇതിൽ പൊട്ടാസ്യം ധാരാളമുണ്ട്. കിഡ്‌നി പ്രശ്‌നങ്ങളെങ്കിൽ പൊട്ടാസ്യം കിഡ്‌നിയ്ക്കു വേണ്ട വിധത്തിൽ പുറന്തള്ളാൻ സാധിയ്ക്കില്ല. ഇത് മനംപിരട്ടൽ, ക്ഷീണം, പൾസ് റേറ്റ് കുറയുക, ഹൃദയപ്രശ്‌നങ്ങൾ എന്നിവയ്ക്കും കാരണമാകും.

• കിഡ്‌നി സ്റ്റോൺ സാധ്യത വർദ്ധിപ്പിയ്ക്കുന്ന ഒന്നാണ് പിസ്ത. ഇവ കൂടുതലായാൽ കാൽസ്യം ഓക്‌സലേറ്റ് വർദ്ധിയ്ക്കും. ഇത് കിഡ്‌നി സ്റ്റോണിന് കാരണമാകും. (ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് ഡോക്ടറുടെ മാർഗ്ഗനിർദ്ദേശം തേടുക.)