സൗദി അറേബ്യയിലെ ദേശീയ ഹൈവേകളിൽ നടപ്പാക്കിയ പുതിയ നമ്പർ സംവിധാനത്തിന്റെ വിശദാംശങ്ങൾ റോഡ് ട്രാൻസ്പോർട്ട് അതോറിറ്റി (RTA) പുറത്തുവിട്ടു. ഈ പുതിയ പദ്ധതിയിലൂടെ റോഡുകളുടെ ദിശ, അവയുടെ തുടക്കവും ഒടുക്കവും അടയാളപ്പെടുത്തുന്ന ചിഹ്നങ്ങൾ, നമ്പറുകൾ എന്നിവ വ്യക്തമായി രേഖപ്പെടുത്തുന്നു. രാജ്യത്തെ നഗരങ്ങളെ തമ്മിൽ കാര്യക്ഷമമായി ബന്ധിപ്പിക്കുക, യാത്രക്കാരുടെ സുരക്ഷ ഉറപ്പാക്കുക എന്നിവയാണ് ഈ ഏകീകരണത്തിലൂടെ അതോറിറ്റി ലക്ഷ്യമിടുന്നത്.
പ്രധാന റോഡ് നമ്പറുകളും അവയുടെ ദിശകളും:
കിഴക്ക്-പടിഞ്ഞാറ് റോഡുകൾ: രാജ്യത്തിന്റെ പടിഞ്ഞാറ് നിന്ന് കിഴക്കോട്ടുള്ള റോഡുകൾക്ക് 10 മുതൽ 80 വരെയുള്ള, പത്തിന്റെ ഗുണിതങ്ങളായ നമ്പറുകളാണ് നൽകിയിട്ടുള്ളത്.
റോഡ് നമ്പർ 10: ദർബ് ഗവർണറേറ്റ് മുതൽ യുഎഇ അതിർത്തിയിലെ ബത്ഹ ക്രോസിംഗ് വരെ.
റോഡ് നമ്പർ 40: ജിദ്ദയെ ദമ്മാമുമായി ബന്ധിപ്പിക്കുന്നു.
റോഡ് നമ്പർ 80: ദുബ ഗവർണറേറ്റ് മുതൽ ന്യൂ അറാർ വരെ നീളുന്നു.
വടക്ക്-തെക്ക് റോഡുകൾ: രാജ്യത്തിന്റെ വടക്ക് നിന്ന് തെക്കോട്ടേക്ക് വ്യാപിച്ചുകിടക്കുന്ന റോഡുകൾക്ക് അഞ്ചിന്റെ ഗുണിതങ്ങളായി 5 മുതൽ 95 വരെയുള്ള നമ്പറുകളാണ് നൽകിയിട്ടുള്ളത്.
റോഡ് നമ്പർ 5: ജിസാൻ മുതൽ ഹഖ്ൽ വരെ.
റോഡ് നമ്പർ 15: ഷറൂറ ഗവർണറേറ്റ് മുതൽ തബൂക്ക് വരെ.
റോഡ് നമ്പർ 95: അൽ ഖോബാർ മുതൽ ഖഫ്ജി വരെ.
ഗതാഗത മേഖലയുടെ കാര്യക്ഷമത വർദ്ധിപ്പിക്കാനും റോഡ് സുരക്ഷയും അടിസ്ഥാന സൗകര്യങ്ങളും മെച്ചപ്പെടുത്താനുമുള്ള അതോറിറ്റിയുടെ ശ്രമങ്ങളുടെ ഭാഗമാണ് ഈ പുതിയ സംവിധാനം. 2030-ഓടെ റോഡ് ഗുണമേന്മ സൂചികയിൽ സൗദിയെ ആഗോളതലത്തിൽ ആറാം സ്ഥാനത്തേക്ക് ഉയർത്താൻ ഈ മാറ്റങ്ങൾ സഹായകമാകുമെന്നും അതോറിറ്റി പ്രത്യാശിക്കുന്നു.
Discover more from Radio Keralam 1476 AM News
Subscribe to get the latest posts sent to your email.
