അറബ് ഗൾഫ് രാജ്യങ്ങളുടെ സംയുക്ത പുരാവസ്തു പ്രദർശനം റിയാദിൽ ആരംഭിച്ചു

അറബ് ഗൾഫ് രാജ്യങ്ങളുടെ എട്ടാമത് സംയുക്ത പുരാവസ്തു പ്രദർശനം റിയാദിലെ നാഷണൽ മ്യൂസിയത്തിൽ ആരംഭിച്ചു. ഡിസംബർ 30 വരെയാണ് ഈ പ്രദർശനം നീണ്ടുനിൽക്കുക.

വിവിധ കാലഘട്ടങ്ങളിലെ ഗൾഫ് മേഖലയിലെ മനുഷ്യരാശിയുടെ ചരിത്രവും, ഇസ്‌ലാമിക ലോകത്ത് ഈ പ്രദേശത്തിനുണ്ടായിരുന്ന നിർണായക പങ്കിനെക്കുറിച്ചും പ്രദർശനം വിശദീകരിക്കുന്നു. കല്ലുപകരണങ്ങൾ, മൺപാത്രങ്ങൾ, ലിഖിതങ്ങൾ, കലാരൂപങ്ങൾ, വാസ്തുവിദ്യ, ആഭരണങ്ങൾ എന്നിവയുൾപ്പെടെ നിരവധി പുരാവസ്തുക്കൾ പ്രദർശനത്തിൽ ഉൾപ്പെടുത്തിയിട്ടുണ്ട്.

ഹെറിറ്റേജ് കമ്മീഷനാണ് ഈ പ്രദർശനം സംഘടിപ്പിക്കുന്നത്. നാഷണൽ മ്യൂസിയത്തിന്റെയും മ്യൂസിയം കമ്മീഷന്റെയും സഹകരണത്തോടെയും, ജി.സി.സി. ജനറൽ സെക്രട്ടേറിയറ്റുമായുള്ള പങ്കാളിത്തത്തോടെയുമാണ് സംഘാടനം പൂർത്തിയാക്കിയത്