സൗദി അറേബ്യയുടെ സാംസ്കാരിക വൈവിധ്യവും പ്രകൃതിഭംഗിയും വിളിച്ചോതുന്ന ജീസാൻ ഫെസ്റ്റിവൽ 2026-ന് പ്രൗഢഗംഭീരമായ തുടക്കമായി. വൈവിധ്യമാർന്ന കലാപരിപാടികൾ, അത്യാധുനിക കലാസൃഷ്ടികൾ എന്നിവയാൽ സമ്പന്നമായ ഈ ഉത്സവം എല്ലാ പ്രായക്കാർക്കും ആസ്വദിക്കാവുന്ന രീതിയിലാണ് ആസൂത്രണം ചെയ്തിരിക്കുന്നത്. ജീസാൻ മേഖലയുടെ ടൂറിസം സാധ്യതകൾ ആഗോളതലത്തിൽ വർധിപ്പിക്കുക എന്ന ലക്ഷ്യത്തോടെയാണ് ഇത്തവണത്തെ ഫെസ്റ്റിവൽ സംഘടിപ്പിച്ചിരിക്കുന്നത്.
വിവിധ ഗവർണറേറ്റുകളുടെ സജീവ പങ്കാളിത്തത്തോടെയുള്ള ഫോക്ലോർ പ്രകടനങ്ങൾ, കായിക മത്സരങ്ങൾ എന്നിവ ഫെസ്റ്റിവലിന്റെ പ്രധാന ആകർഷണങ്ങളാണ്. ഇതിനു പുറമെ സൈക്ലിംഗ് ഇവന്റുകളും സന്ദർശകർക്ക് നേരിട്ട് പങ്കുചേരാവുന്ന വിവിധ ഇന്ററാക്ടീവ് ആക്ടിവിറ്റികളും മേളയുടെ ഭാഗമായി ഒരുക്കിയിട്ടുണ്ട്. പൈതൃകവും ആധുനികതയും ഒത്തുചേരുന്ന ഈ സാംസ്കാരിക ഉത്സവം വരും മാസങ്ങളിലും സന്ദർശകർക്കായി തുറന്നിരിക്കും.
Discover more from Radio Keralam 1476 AM News
Subscribe to get the latest posts sent to your email.
