ഒമാനിലെ വൈദ്യുതി ഉത്പാദനത്തിൽ 11 ശതമാനം വർധന രേഖപ്പെടുത്തി. ഏറ്റവും കൂടുതൽ വൈദ്യുതി ഉത്പാദിപ്പിച്ചത് മസ്കത്ത് ഗവർണറേറ്റാണ്. അതേസമയം, ദോഫാർ ഗവർണറേറ്റിൽ 4.5% ഇടിവ് രേഖപ്പെടുത്തിയിട്ടുണ്ട്.
നാഷണൽ സെന്റർ ഫോർ സ്റ്റാറ്റിസ്റ്റിക്സ് ആൻഡ് ഇൻഫർമേഷൻ (NCSI) പുറത്തുവിട്ട കണക്കുകൾ പ്രകാരം, 2025 ഏപ്രിൽ അവസാനത്തോടെ ഒമാനിലെ മൊത്തം വൈദ്യുതി ഉത്പാദനം മണിക്കൂറിൽ 13,479.8 ജിഗാവാട്ടായി ഉയർന്നു. ഇത് 2024-ലെ ഇതേ കാലയളവിലെ 12,142.3 ജിഗാവാട്ടിനെ അപേക്ഷിച്ച് 11% വർധനവാണ്.
മസ്കത്ത് ഗവർണറേറ്റാണ് ഉത്പാദനത്തിൽ ഏറ്റവും വലിയ വളർച്ച രേഖപ്പെടുത്തിയത്. ഇവിടെ 195.9% വർധനവോടെ വൈദ്യുതി ഉത്പാദനം മണിക്കൂറിൽ 93.9 ജിഗാവാട്ടിലെത്തി. വടക്കൻ, തെക്കൻ ഷർഖിയ ഗവർണറേറ്റുകളിലും 2.8% വർധനവുണ്ടായിട്ടുണ്ട്. നോർത്ത്, സൗത്ത് ബാത്തിന, ദാഹിറ ഗവർണറേറ്റുകളിലെ മൊത്തം വൈദ്യുതി ഉത്പാദനം മണിക്കൂറിൽ 7,970.9 ജിഗാവാട്ടിലെത്തി, ഇത് കഴിഞ്ഞ വർഷത്തെ അപേക്ഷിച്ച് 5.7% കൂടുതലാണ്.
എന്നാൽ, ദോഫാർ ഗവർണറേറ്റിൽ വൈദ്യുതി ഉത്പാദനത്തിൽ 4.5% ഇടിവ് രേഖപ്പെടുത്തി. അൽ വുസ്ത ഗവർണറേറ്റിലും 3.2% ഇടിവുണ്ടായിട്ടുണ്ട്.
Discover more from Radio Keralam 1476 AM News
Subscribe to get the latest posts sent to your email.
