ഗൾഫ് സഹകരണ കൗൺസിൽ അംഗരാജ്യങ്ങളുടെ സംയുക്ത സൈനികാഭ്യാസമായ ‘ഗൾഫ് ഷീൽഡ് 2026’ന് സൗദി അറേബ്യയിൽ തുടക്കമായി. ഗൾഫ് രാജ്യങ്ങൾക്കിടയിലുള്ള സൈനിക സഹകരണം ശക്തിപ്പെടുത്തുന്നതിനൊപ്പം സംയുക്തമായ സൈനിക നീക്കങ്ങൾ കൂടുതൽ കാര്യക്ഷമമായി ഏകോപിപ്പിക്കുകയുമാണ് ഈ വലിയ അഭ്യാസപ്രകടനത്തിന്റെ പ്രധാന ലക്ഷ്യം.
അത്യാധുനിക യുദ്ധതന്ത്രങ്ങളും സങ്കീർണ്ണമായ വെല്ലുവിളികളെ നേരിടാനുള്ള പ്രത്യേക പരിശീലനങ്ങളുമാണ് ഇത്തവണത്തെ ‘ഗൾഫ് ഷീൽഡി’ന്റെ സവിശേഷത. മേഖല നേരിടുന്ന വിവിധ സുരക്ഷാ ഭീഷണികളെ ഫലപ്രദമായി പ്രതിരോധിക്കാനുള്ള ശേഷി വർദ്ധിപ്പിക്കുന്നതിനായി രൂപകൽപ്പന ചെയ്ത നിരവധി സൈനിക പരീക്ഷണങ്ങളും ഇതിന്റെ ഭാഗമായി നടക്കും. ജിസിസി രാജ്യങ്ങളിലെ കര, വ്യോമ, നാവിക സേനകൾ ഒരേ ലക്ഷ്യത്തോടെ ഈ സംയുക്ത അഭ്യാസത്തിൽ പങ്കുചേരുന്നുണ്ട്.
Discover more from Radio Keralam 1476 AM News
Subscribe to get the latest posts sent to your email.
