യു.എ.ഇ. യാത്രക്കാർക്കായി വൻ ഓഫറുകളുമായി ഇത്തിഹാദ് എയർവേയ്സ് രംഗത്ത്. ദേശീയ വിമാനക്കമ്പനിയായ ഇത്തിഹാദ്, തങ്ങളുടെ ‘വൈറ്റ് ഫ്രൈഡേ സെയിൽ’ പ്രഖ്യാപിച്ചു. ഇതിലൂടെ വിമാന ടിക്കറ്റുകൾക്ക് 35 ശതമാനം വരെ കിഴിവ് ലഭിക്കും.
നവംബർ 30 വരെ ടിക്കറ്റുകൾ ബുക്ക് ചെയ്യുന്നവർക്കാണ് ഈ ആനുകൂല്യം ലഭിക്കുക. 2026 ജനുവരി 13 മുതൽ ജൂൺ 24 വരെ യാത്ര ചെയ്യുന്നതിനുള്ള ടിക്കറ്റുകൾ ഈ ഓഫർ പ്രയോജനപ്പെടുത്തി ബുക്ക് ചെയ്യാം. നേരത്തെ അവധിക്കാലം ആസൂത്രണം ചെയ്യുന്നവർക്കും കുടുംബാംഗങ്ങളെ വിദേശത്തേക്ക് എത്തിക്കാൻ ആഗ്രഹിക്കുന്നവർക്കും ഈ അവസരം ഉപയോഗപ്പെടുത്താം.
‘യാത്രകളിലൂടെ ലഭിക്കുന്ന അനുഭവങ്ങളെയും ബന്ധങ്ങളെയും വിലമതിക്കുക’ എന്ന ആപ്തവാക്യത്തോടെയാണ് ഇത്തിഹാദ് ഒരാഴ്ച നീണ്ടുനിൽക്കുന്ന ഈ ഓഫർ അവതരിപ്പിക്കുന്നത്. ഏഷ്യയിലെ പ്രധാന വിനോദസഞ്ചാര കേന്ദ്രങ്ങൾ ഉൾപ്പെടെ അബുദാബിയിൽ നിന്ന് ഇത്തിഹാദിന് സർവീസുള്ള എല്ലാ സ്ഥലങ്ങളിലേക്കും ഈ കിഴിവുകൾ ലഭ്യമാണ്. യാത്രക്കാർക്ക് വെബ്സൈറ്റ് വഴിയോ എയർലൈനിന്റെ മൊബൈൽ ആപ്ലിക്കേഷൻ വഴിയോ ടിക്കറ്റുകൾ ബുക്ക് ചെയ്യാം.
ഈ വർഷത്തെ പ്രൊമോഷൻ കൂടുതൽ യാത്രക്കാരെ ആകർഷിക്കാനും അവർക്ക് നല്ല ഓർമ്മകൾ നൽകാനും വേണ്ടി രൂപകൽപ്പന ചെയ്തതാണെന്ന് ഇത്തിഹാദ് പ്രതിനിധി അറിയിച്ചു. ഈ വർഷം മാത്രം 16 പുതിയ റൂട്ടുകളാണ് ഇത്തിഹാദ് ആരംഭിച്ചിട്ടുള്ളത്.
കൂടാതെ, 32 പുതിയ എയർബസ് വിമാനങ്ങൾ വാങ്ങുന്നതിനായി ഓർഡർ നൽകിയിട്ടുണ്ട്. 2030-ഓടെ 170 വിമാനങ്ങൾ എന്ന മുൻ ലക്ഷ്യം 200 ആയി ഉയർത്തുകയും ചെയ്തു. ഈ വികസനത്തിലൂടെ 2030-ഓടെ 37 ദശലക്ഷം യാത്രക്കാരെ ലക്ഷ്യസ്ഥാനങ്ങളിൽ എത്തിക്കാൻ സാധിക്കുമെന്നാണ് കമ്പനി അധികൃതർ അറിയിച്ചിട്ടുള്ളത്. 2026-ൽ അബുദാബി അന്താരാഷ്ട്ര വിമാനത്താവളം തിരക്കേറിയ യാത്രാ സീസണായിരിക്കുമെന്നാണ് യാത്രാ വിദഗ്ധരുടെ വിലയിരുത്തൽ.
Discover more from Radio Keralam 1476 AM News
Subscribe to get the latest posts sent to your email.
