ലോകകപ്പ് യോഗ്യത നേടിയ ഖത്തർ ടീമിനു ലുസൈൽ കൊട്ടാരത്തിൽ അമീറിന്റെ സ്വീകരണം

ഏഷ്യയിൽ നിന്നു 2026 ലെ ലോകകപ്പിന് യോഗ്യത നേടിയ ഖത്തർ ഫുട്‌ബോൾ ടീമിന് ലുസൈൽ കൊട്ടാരത്തിൽ അമീർ ഷെയ്ഖ് തമീം ബിൻ ഹമദ് അൽ-താനിയുടെ സ്വീകരണം. കളിക്കാരെയും അഡ്മിനിസ്‌ട്രേറ്റീവ്, ടെക്‌നിക്കൽ സ്റ്റാഫ് അംഗങ്ങളെയും ഓരോരുത്തരെ ആയി അമീർ അഭിനന്ദിച്ചു. കളിക്കാരുടെ മികച്ച പ്രകടനത്തെയും നേട്ടത്തെയും അദ്ദേഹം പ്രശംസിച്ചു. ഇത് കായിക, ഫുട്‌ബോളിലെ ഖത്തറിന്റെ വിശിഷ്ട റെക്കോർഡിനെ കൂടുതൽ ശക്തിപ്പെടുത്തുന്നതായി അദ്ദേഹം പറഞ്ഞു.

ഡെപ്യൂട്ടി അമീർ ഷെയ്ഖ് അബ്ദുല്ല ബിൻ ഹമദ് അൽ-താനി, അമീറിന്റെ പേഴ്സണൽ പ്രതിനിധി ഷെയ്ഖ് ജാസിം ബിൻ ഹമദ് അൽ-താനി എന്നിവരും സ്വീകരണ ചടങ്ങിൽ പങ്കെടുത്തു. ചൊവ്വാഴ്ച രാത്രി നടന്ന ഏഷ്യൻ യോഗ്യത മത്സരത്തിൽ യുഎഎയെ ഒന്നിനെതിരെ രണ്ടു ഗോളുകൾക്ക് പരാജയപ്പെടുത്തി ഗ്രൂപ്പ് ചാമ്പ്യന്മാർ ആയിട്ടാണ് ഖത്തറിന്റെ ലോകകപ്പ് എൻട്രി. ഇറാഖിനെ തോൽപിച്ചു സൗദിയും 2026 ലോകകപ്പിന് യോഗ്യത നേടിയിട്ടുണ്ട്.