ദുബൈ ഫൗണ്ടേനിലെ പുതുവത്സരാഘോഷം ജനുവരി ഏഴ് വരെ നീളും

ബുർജ് ഖലീഫയ്ക്ക് സമീപത്തെ വിശ്വപ്രസിദ്ധമായ ദുബൈ ഫൗണ്ടേനിലെ പുതുവത്സരാഘോഷങ്ങൾ ജനുവരി ഏഴ് വരെ നീണ്ടുനിൽക്കുമെന്ന് ഇമാർ (Emaar) അറിയിച്ചു. പുതുവത്സര രാവിൽ തിരക്ക് കാരണവും മറ്റും ഫൗണ്ടേഷൻ ഷോ കാണാൻ സാധിക്കാത്തവർക്കായി കൂടുതൽ അവസരമൊരുക്കുക എന്ന ലക്ഷ്യത്തോടെയാണ് ഈ തീരുമാനം. ജനുവരി ഏഴ് വരെ വൈകുന്നേരം 7.30 മുതലായിരിക്കും ആഘോഷങ്ങളുടെ ഭാഗമായുള്ള പ്രത്യേക പ്രകടനങ്ങൾ നടക്കുക.

കണ്ണഞ്ചിപ്പിക്കുന്ന ഈ പ്രദർശനം കാണാൻ താല്പര്യമുള്ളവർക്ക് വരും ദിവസങ്ങളിലും ദുബൈ മാൾ പരിസരത്ത് സൗകര്യമുണ്ടാകും. അതേസമയം, ഈ കാലയളവിൽ പതിവായി അരമണിക്കൂർ ഇടവിട്ട് നടക്കാറുള്ള സാധാരണ ഷോകൾക്ക് സമയക്രമത്തിൽ മാറ്റമുണ്ടാകും. വൈകുന്നേരം 7.30 മുതൽ രാത്രി 9 മണി വരെയുള്ള സമയങ്ങളിൽ സാധാരണ ഷോകൾ ഉണ്ടായിരിക്കില്ലെന്നും അധികൃതർ വ്യക്തമാക്കിയിട്ടുണ്ട്.