കുവൈത്തിൽ 20 വ​ർ​ഷ​ത്തി​ല​ധി​കം ത​ട​വി​ൽ ക​ഴി​ഞ്ഞ 30 പേ​രെ മോ​ചി​പ്പി​ച്ചു

രാ​ജ്യ​ത്ത് 20 വ​ർ​ഷ​ത്തി​ലേ​റെ ത​ട​വി​ൽ ക​ഴി​ഞ്ഞ 30 ത​ട​വു​കാ​രെ മോ​ചി​പ്പി​ച്ചു. 17 കു​വൈ​ത്ത് പൗ​ര​ന്മാ​രെ​യും 13 പ്ര​വാ​സി ത​ട​വു​കാ​രെ​യു​മാ​ണ് മോ​ചി​പ്പി​ച്ച​ത്. അ​മീ​ർ ശൈ​ഖ് മി​ശ്അ​ൽ അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹി​ന്റെ ഉ​ത്ത​ര​വ് പ്ര​കാ​രം ജീ​വ​പ​ര്യ​ന്തം ശി​ക്ഷ 20 വ​ർ​ഷ​മാ​യി കു​റ​ച്ച​തി​നെ​തു​ട​ർ​ന്നാ​ണ് ന​ട​പ​ടി.

മോ​ചി​ത​രാ​യ കു​വൈ​ത്ത് പൗ​ര​ന്മാ​രെ അ​ഞ്ചു​വ​ർ​ഷ​ത്തേ​ക്ക് ഇ​ല​ക്ട്രോ​ണി​ക് നി​രീ​ക്ഷ​ണ വ​ള​യ​ങ്ങ​ൾ ധ​രി​പ്പി​ക്കും. അ​തേ​സ​മ​യം 13 പ്ര​വാ​സി ത​ട​വു​കാ​രെ നാ​ടു​ക​ട​ത്ത​ൽ കേ​ന്ദ്ര​ത്തി​ലേ​ക്ക് മാ​റ്റി. ഇ​വ​രെ ഉ​ട​ൻ ത​ന്നെ നാ​ടു​ക​ട​ത്തും. ജ​യി​ലി​ൽ 20 വ​ർ​ഷ​മെ പി​ന്നി​ട്ട അ​ഞ്ച് ത​ട​വു​കാ​രു​ടെ കാ​ര്യ​ത്തി​ൽ തീ​രു​മാ​ന​മാ​യി​ട്ടി​ല്ല.

ഇ​വ​ർ ശി​ക്ഷ അ​നു​ഭ​വി​ക്കു​ന്ന​തി​നി​ട​യി​ൽ മ​റ്റു കു​റ്റ​കൃ​ത്യ​ങ്ങ​ളി​ൽ ഏ​ർ​പ്പെ​ട്ട​താ​ണ് കാ​ര​ണം. പു​റ​ത്തി​റ​ങ്ങി​യ​വ​രി​ൽ ഏ​റ്റ​വും കൂ​ടു​ത​ൽ കാ​ലം ത​ട​വി​ൽ ക​ഴി​ഞ്ഞ​ത് കൊ​ല​പാ​ത​ക​ത്തി​ന് 33 വ​ർ​ഷം ത​ട​വി​ൽ ക​ഴി​ഞ്ഞ ഈ​ജി​പ്ഷ്യ​ൻ പൗ​ര​നാ​ണ്. ഇ​യാ​ളെ ആ​ദ്യം വ​ധ​ശി​ക്ഷ​ക്ക് വി​ധി​ച്ചെ​ങ്കി​ലും, ഇ​ര​യു​ടെ കു​ടും​ബം മാ​പ്പ് ന​ൽ​കി​യ​തി​നെ തു​ട​ർ​ന്ന് ശി​ക്ഷ ജീ​വ​പ​ര്യ​ന്ത​മാ​യി കു​റ​ക്കു​ക​യാ​യി​രു​ന്നു. കു​വൈ​ത്ത് പൗ​ര​ന്മാ​രി​ൽ ഏ​റ്റ​വും കൂ​ടു​ത​ൽ കാ​ലം ത​ട​വി​ൽ ക​ഴി​ഞ്ഞ​ത് മ​യ​ക്കു​മ​രു​ന്ന് ക​ട​ത്തി​ന് 27 വ​ർ​ഷം ജ​യി​ലി​ൽ ക​ഴി​ഞ്ഞ​യാ​ളാ​ണ്. മോ​ചി​പ്പി​ക്ക​പ്പെ​ട്ട​വ​രി​ൽ ഭൂ​രി​ഭാ​ഗ​വും കൊ​ല​പാ​ത​ക കേ​സു​ക​ളി​ൽ ശി​ക്ഷി​ക്ക​പ്പെ​ട്ട​വ​രാ​ണ്.