ഇന്ത്യൻ പാർലമെന്റ് അംഗവും, എഴുത്തുകാരനും, ഐക്യരാഷ്ട്രസഭയുടെ മുൻ അണ്ടർ സെക്രട്ടറി ജനറലുമായ ഡോ. ശശി തരൂർ ആയിരുന്നു പരിപാടിയിലെ മുഖ്യാതിഥി. തന്റെ മുഖ്യ പ്രഭാഷണത്തിൽ, ഡോ. തരൂർ കമ്മ്യൂണിറ്റി അധിഷ്ഠിത വളർച്ചയുടെ പ്രാധാന്യം എടുത്തുപറഞ്ഞു. യുഎഇയുടെ 2025-ലെ കമ്മ്യൂണിറ്റി വർഷം (Year of Community Initiative) എന്ന ആശയമായിരുന്നു അദ്ദേഹത്തിന്റെ പ്രഭാഷണത്തിന്റെ അകക്കാമ്പ്. സുസ്ഥിര സമ്പദ്വ്യവസ്ഥ കെട്ടിപ്പടുക്കുന്നതിൽ പൊതു-സ്വകാര്യ പങ്കാളിത്തത്തിന്റെ പങ്ക് അദ്ദേഹം ഊന്നിപ്പറഞ്ഞു.
കോൺക്ലേവിൽ യുഎഇയിലെ ഏറ്റവും വലിയ ബിസിനസ് സെന്ററുകളിൽ ഒന്നായ ആർ എ ജി ടവർ അനാച്ഛാദനം ചെയ്തു.
സംരംഭകത്വത്തിന്റെയും കമ്മ്യൂണിറ്റി സഹകരണത്തിന്റെയും പ്രവർത്തനങ്ങൾ സംയോജിപ്പിക്കുന്നതിനാണ് പുതിയ ബിസിനസ് സെന്റർ പ്രവർത്തനം തുടങ്ങിയതെന്ന് ആർ എ ജി ഹോൾഡിംഗ്സ് സിഇഒ റസ്സൽ അഹമ്മദ് പറഞ്ഞു.
ദുബായ് കിരീടാവകാശിയും എക്സിക്യൂട്ടീവ് കൗൺസിൽ ചെയർമാനുമായ ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂമിന്റെ കീഴിലെ ഹംദാൻ ഇന്നൊവേഷൻ ഇൻകുബേറ്റർ വഴി ഔദ്യോഗിക അംഗീകാരമുള്ള സ്ഥാപനമാണ് ആർ എ ജി ഹോൾഡിംഗ്സ്.
ആർ എ ജി ടവർ ഒരു ബിസിനസ് സെന്റർ എന്നതിലുപരി യുഎഇയിലും അനുബന്ധ മേഖലകളിലും സംരംഭകരെ പിന്തുണയ്ക്കുന്നതിനായി പ്രവർത്തിക്കുന്ന ഇടമാണെന്നെന്നും സിഇഒ റസ്സൽ അഹമ്മദ്
ചൂണ്ടിക്കാട്ടി.
സ്റ്റാർട്ടപ്പുകൾക്കും ആർ എ ജി പിന്തുണ നൽകുന്നുണ്ട്.
ദുബായിലെ സംരംഭകർക്കായി നെറ്റ്വർക്കിംഗ്, പഠനം, പങ്കാളിത്ത അവസരങ്ങൾ എന്നിവ ലഭ്യമാക്കുന്നതിനായി രൂപകൽപ്പന ചെയ്ത ആർ എ ജി ക്ലബ് കോൺക്ലേവിൽ ലോഞ്ച് ചെയ്തു.
ഹലാൽ ജേർണി ആപ്പിലുള്ള ആർ എ ജി എയ്ഞ്ചൽ നിക്ഷേപ പ്രഖ്യാപനവും ആർ എ ജി ഐഡിയ എച്ച്ക്യു സ്റ്റാർട്ടപ്പ് അവാർഡ് പ്രഖ്യാപനവും പരിപാടിയുടെ ഭാഗമായി നടന്നു.
ആർ എ ജി ഫാൻ ക്ലബ് ആസ്ഥാനം പ്രശസ്ത ഇന്ത്യൻ ക്രിക്കറ്റ് താരം ദിനേശ് കാർത്തിക് ഉദ്ഘാടനം ചെയ്തു.
Discover more from Radio Keralam 1476 AM News
Subscribe to get the latest posts sent to your email.
