50 വര്ഷമായി റാസല്ഖൈമയില് പ്രവാസജീവിതം നയിക്കുന്നവരെ ആദരിക്കുന്നതുള്പ്പെടെ വിഷു-ഈദ്-ഈസ്റ്റര് ആഘോഷ ചടങ്ങുകൾ ശനിയാഴ്ച റാസൽഖൈമയിൽ നടക്കുമെന്ന് എസ്.എന്.ഡി.പി സേവനം റാക് യൂനിയന് ഭാരവാഹികള് അറിയിച്ചു.
റാക് കള്ച്ചറല് സെന്ററില് മേയ് 25ന് വൈകീട്ട് അഞ്ചിന് നടക്കുന്ന ചടങ്ങിൽ യു.എ.ഇ ഇന്ത്യന് കോണ്സല് ജനറല് സതീഷ് കുമാര് ശിവന്, റാക് ഇന്ത്യന് അസോസിയേഷന് പ്രസിഡന്റ് എസ്.എ. സലീം എന്നിവര് അതിഥികളാകും. നിസാം കോഴിക്കോട്, പ്രണവം മധു, രിധു കൃഷ്ണ, ദേവാനന്ദ, ഭവാനി രാജേഷ്, സോണിയ നിസാം, അനുപമ പിള്ള, അനു ബാലനാരായണ് തുടങ്ങിയവർ നയിക്കുന്ന ഗാനമേളയും കലാപ്രകടനങ്ങളും വേദിയില് നടക്കും. കാണികള്ക്ക് പ്രവേശനം സൗജന്യമാണെന്ന് എസ്.എന്.ഡി.പി സേവനം റാക് യൂനിയന് പ്രസിഡന്റ് അനില് വിദ്യാധരന്, പ്രോഗ്രാം ജനറൽ കൺവീനർ സുഭാഷ് സുരേന്ദ്രന് എന്നിവര് അറിയിച്ചു.
Discover more from Radio Keralam 1476 AM News
Subscribe to get the latest posts sent to your email.
