അഞ്ച് സംസ്ഥാനങ്ങളിലും ഒരു കേന്ദ്രഭരണ പ്രദേശത്തും എസ്.ഐ.ആർ. നടപടികൾ പൂർത്തിയാക്കാനുള്ള സമയപരിധി തിരഞ്ഞെടുപ്പ് കമ്മീഷൻ ഒരാഴ്ച കൂടി നീട്ടി. എന്നാൽ, കേരളത്തിൽ വോട്ടർപട്ടികയുടെ കരട് പട്ടിക ഈ മാസം 23-ന് തന്നെ പ്രസിദ്ധീകരിക്കും എന്നും കമ്മീഷൻ വ്യക്തമാക്കി.
എസ്.ഐ.ആർ. നടപടികൾ വേഗത്തിൽ പൂർത്തിയാക്കാനുള്ള മേലുദ്യോഗസ്ഥരുടെ സമ്മർദ്ദം കാരണം വിവിധ സംസ്ഥാനങ്ങളിലെ ബി.എൽ.ഒ.മാർ ആത്മഹത്യ ചെയ്തതുൾപ്പെടെയുള്ള ഗുരുതര പരാതികൾ ഉയർന്ന പശ്ചാത്തലത്തിലാണ് കമ്മീഷൻ്റെ ഈ നടപടി.മധ്യപ്രദേശ് ഛത്തീസ്ഗഡ്, ആൻഡമാൻ നിക്കോബാർ എന്നിവിടങ്ങളിൽ ഫോം സമർപ്പിക്കാൻ ഒരാഴ്ചയും തമിഴ്നാട്ടിലും ഗുജറാത്തിലും മൂന്ന് ദിവസം കൂടിയും സമയം അനുവദിച്ചു.
എന്നാൽ പശ്ചിമബംഗാളിൽ ഇതിനുള്ള കാലാവധി ഇന്ന് രാത്രി തന്നെ അവസാനിക്കും. 55 ലക്ഷം പേരാണ് ബംഗാളിലെ പട്ടികയിൽ നിന്ന് ഒഴിവായതെന്നാണ് റിപ്പോർട്ടുകൾ.
