മൂന്ന് ഖത്തർ നയതന്ത്ര ഉദ്യോഗസ്ഥർ ഈജിപ്തിൽ കാറപകടത്തിൽ കൊല്ലപ്പെട്ടു

ഈജിപ്തിലെ ഷാം എൽ ഷെയ്ഖിൽ ഗാസ സമാധാന ഉച്ചകോടിക്കെത്തിയ മൂന്ന് ഖത്തർ നയതന്ത്ര ഉദ്യോഗസ്ഥർ കാറപകടത്തിൽ കൊല്ലപ്പെട്ടു . ഖത്തർ അംബാസഡർ ഇത് സംബന്ധിച്ച പ്രസ്താവന പുറത്തിറക്കിയതായി വാർത്താ ഏജൻസികൾ റിപ്പോർട്ട് ചെയ്തു .
ഖത്തറിലെ ഉന്നത സർക്കാർ സ്ഥാപനമായ അമീരി ദിവാന്റെ (Amiri Diwan) മൂന്ന് ജീവനക്കാരാണ് അപകടത്തിൽ മരിച്ചത് .റെഡ് സീ റിസോർട്ട് നഗരമായ ഷാം എൽ ഷെയ്ഖിന് സമീപമാണ് അപകടം നടന്നത്. അപകടത്തിൽ മറ്റ് രണ്ട് ഉദ്യോഗസ്ഥർക്ക് പരിക്കേറ്റതായും, അവർക്ക് നഗരത്തിലെ ആശുപത്രിയിൽ ചികിത്സ നൽകുന്നുണ്ടെന്നും എംബസി അറിയിച്ചു. നാളെ ഷാം എൽ ഷെയ്ഖിൽ വെച്ച് നടക്കുന്ന ഉച്ചകോടിയിൽ ഇരുപതിലധികം രാജ്യങ്ങളുടെ നേതാക്കൾ പങ്കെടുക്കുമെന്നാണ് പ്രതീക്ഷിക്കുന്നത്.