തിരുവനന്തപുരത്ത് ബിജെപി സ്ഥാനാര്ത്ഥിക്കൊപ്പം പര്യടനം നടത്തുന്നതിനിടയില് പ്രവര്ത്തകന് വീട്ടമ്മക്കെതിരെ ലൈംഗികാതിക്രമം നടത്തിയതായി പരാതി. തിരുവനന്തപുരം മംഗലപുരത്താണ് സംഭവം. മംഗലപുരം പഞ്ചായത്തിലെ ഇടവിളാകം വാര്ഡ് ബിജെപി സ്ഥാനാര്ത്ഥിയ്ക്ക് ഒപ്പം എത്തിയ രാജുവെന്ന ആള്ക്കെതിരെയാണ് പരാതി. സംഭവത്തില് രാജുവിനെതിരെ മംഗലപുരം പൊലീസ് കേസെടുത്തു. സ്ഥാനാര്ത്ഥി വോട്ടു ചോദിച്ചു മടങ്ങുന്നതിനിടയിലാണ് ബിജെപി പ്രവര്ത്തകന് രാജു വീട്ടമ്മയെ കയറി പിടിച്ചത്.
സ്ഥാനാര്ത്ഥിയടക്കം വോട്ട് ചോദിച്ച് മടങ്ങിയതിനിടയില് രാജു വീട്ടമ്മയോട് കുടിക്കാന് വെള്ളം ചോദിക്കുകയായിരുന്നു. വീട്ടമ്മ വെള്ളം എടുക്കാന് അകത്തേക്ക് പോയപ്പോള് രാജു പിന്നാലെ ചെന്നു വീട്ടമ്മയെ കയറിപ്പിടിച്ചുവെന്നാണ് പരാതി. വീട്ടമ്മ അലറി വിളിച്ചതോടെ രാജു സ്ഥലത്ത് നിന്ന് ഓടി രക്ഷപ്പെട്ടു. തുടര്ന്ന് വീട്ടമ്മ മംഗലപുരം പൊലീസില് പരാതി നല്കി. കേസ് എടുത്തതോടെ രാജു ഒളിവില് പോയെന്നാണ് വിവരം.
Discover more from Radio Keralam 1476 AM News
Subscribe to get the latest posts sent to your email.
