ദി എലിഫന്റ് വിസ്പറേഴ്ന് അമുലിന്റെ ആദരവും അഭിനന്ദനവും

ഓസ്‌കാർ നേടിയ സംവിധായകൻ കാർത്തികി ഗോൺസാൽവസിനും നിർമ്മാതാവ് ഗുനീത് മോംഗക്കും ‘ദ എലിഫന്റ് വിസ്പറേഴ്സി’ നും അമുൽ ആദരവും അഭിനന്ദനവും അർപ്പിച്ചു. തിങ്കളാഴ്ച നടന്ന 95-ാമത് വാർഷിക അക്കാദമി അവാർഡിലാണ് മികച്ച ഡോക്യുമെന്ററി ഷോർട്ട് ഫിലിം വിഭാഗത്തിൽ ഇന്ത്യൻ ഡോക്യുമെന്ററി ഫിലിം ദി എലിഫന്റ് വിസ്പറേഴ്സ് ഓസ്‌കർ നേടിയത്. ഓസ്‌കാർ വീട്ടിലെത്തിച്ചതിന് പ്രശംസിക്കപ്പെട്ട നിർമ്മാതാവ് ഗുണീത് മോംഗയും സംവിധായകൻ കാർത്തികി ഗോൺസാൽവസും ഡയറി ബ്രാൻഡായ അമുലിന്റെ ആദരവും നേടിയിരിക്കുന്നു. ആനയുടെ അരികിൽ നിൽക്കുന്ന ഗുനീത്, കാർത്തികി, അമുൽ പെൺകുട്ടി എന്നിവർക്കാണ് ആരാധ്യമായ ട്രിബ്യൂട്ട് അർപ്പിക്കുന്നത് . ‘ഹാത്തി മേരെ സാത്തി’, ‘അമുൽ ജംബോ ടേസ്റ്റ്’ എന്നിങ്ങനെ അടിക്കുറിപ്പ് നൽകിയിട്ടുണ്ട്. എലിഫന്റ് വിസ്പറേഴ്സ് ചരിത്രത്തിലാദ്യമായി ഒരു ഇന്ത്യൻ തിരക്കഥാകൃത്തിന് ആദ്യ ഓസ്‌കാർ സമ്മാനിച്ചു, ‘രണ്ട് സ്ത്രീകൾ അത് ചെയ്തു എന്നത് ശ്രദ്ധേയമാണ്. ‘ ഗുനീത് മോംഗ പറയുന്നു

തന്റെ വിജയത്തെക്കുറിച്ച് സംസാരിക്കുമ്പോൾ ഗുണീത് പറഞ്ഞു, ”ഇത് അവിശ്വസനീയമാം വിധം ശക്തവും ചരിത്രപരവുമായ നിമിഷവുമാണ് . ഇന്ത്യയിൽ നിന്നുള്ള രണ്ട് സ്ത്രീകളെന്ന നിലയിൽ ഞങ്ങൾ ആഗോള വേദിയിൽ ഈ ചരിത്രവിജയം നേടി. ഇന്ത്യയിൽ നിന്നുള്ള ഒരു സ്വതന്ത്ര പ്രൊഡക്ഷൻ ഹൗസ് ഓസ്‌കാർ നേടുന്ന ആദ്യ ഇന്ത്യൻ സിനിമയെന്ന ചരിത്രമെഴുതിയ ഈ സിനിമയിൽ ഞാൻ അഭിമാനിക്കുന്നു, സിഖ്യാ എന്റർടൈൻമെന്റിലെ എന്റെ അത്ഭുതകരമായ ടീമിനെക്കുറിച്ച് അഭിമാനിക്കുന്നു. ഈ നിമിഷത്തിൽ എല്ലാ സന്തോഷവും സ്‌നേഹവും ആവേശവും കൊണ്ട് എന്റെ ഹൃദയം കുതിക്കുകയാണ്. കാർത്തികിയോട് ഞാൻ വളരെ നന്ദിയുള്ളവളാണ്. നെറ്റ്ഫ്‌ലിക്‌സ് ഞങ്ങൾക്ക് ലോകത്തിലെ ഏറ്റവും വലിയ വേദി നൽകുകയും ഞങ്ങളെ പിന്തുണക്കുകയും എല്ലാ വഴികളിലും ഞങ്ങളെ വിശ്വസിക്കുകയും ചെയ്തു. ഇന്ന് എനിക്ക് പറയാൻ കഴിയും, ഇന്ത്യൻ സിനിമയുടെ ഭാവി ധീരമാണ്, ഭാവി ഇവിടെയാണ്, ഭാവി യഥാർത്ഥത്തിൽ സ്ത്രീകളുടെ കൈകളിലാണെന്നും മറക്കരുത്.

ഓസ്‌കാർ പുരസ്‌കാരം നേടിയതിന് തമിഴ്നാട് മുഖ്യമന്ത്രി എംകെ സ്റ്റാലിനും ഗുനീത് മോംഗയെയും കാർത്തികി ഗോൺസാൽവസിനെയും അഭിനന്ദിച്ചു. ട്വിറ്ററിൽ സ്റ്റാലിൻ കുറിച്ചു, ‘ഓസ്‌കാർ നേടിയ കാർത്തികി ഗോൺസാൽവസിനും ഗുണീത് മോംഗയ്ക്കും അഭിനന്ദനങ്ങൾ. ഒരു ഇന്ത്യൻ പ്രൊഡക്ഷന് ആദ്യമായി ഓസ്‌കാർ നേടിയ രണ്ട് സ്ത്രീകൾക്ക് ഉണരാൻ ഇതിലും നല്ല വാർത്തയില്ല.