അനുഷ്‌ക ഷെട്ടി നായികയായി വരാനിരിക്കുന്ന ചിത്രമാണ് ഘാട്ടി. ജൂലൈ 11നാണ് ചിത്രത്തിന്റെ റിലീസ് പ്രഖ്യാപിച്ചിരിക്കുന്നത്. എന്നാൽ ഘാട്ടിയുടെ റിലീസ് വൈകിയേക്കും എന്നാണ് പുതിയ റിപ്പോർട്ട്. വിഎഫ്എക്‌സ് ജോലികൾ പൂർത്തിയാകാത്തിനാൽ അനുഷ്‌ക ചിത്രത്തിന്റ റിലീസ് വൈകിയേക്കും എന്നാണ് പുതിയ റിപ്പോർട്ട്.
അനുഷ്‌ക ഷെട്ടിയുടെ ഘാട്ടി പ്രതികാര കഥയാണ് പ്രമേയമാക്കുന്നത് എന്നാണ് ഒരു റിപ്പോർട്ട്. അനുഷ്‌ക ഷെട്ടി നായികയാകുന്ന ഘാട്ടിയുടെ ഫസ്റ്റ് ലുക്ക് പോസ്റ്റർ പുറത്തുവിട്ടത് ഹിറ്റായിരുന്നു. അനുഷ്‌ക ഷെട്ടിയുടെ മികച്ച ഒരു കഥാപാത്രമായിരിക്കും ഘാട്ടിയിലേതെന്നാണ് പ്രതീക്ഷിക്കപ്പെടുന്നത്. സംവിധായകൻ കൃഷ് ജഗർലമുഡിക്കൊപ്പം ഘാട്ടിയുടെ തിരക്കഥ എഴുത്തിൽ സായ് മാധവ് ബുറ, ചിന്ദാകിന്ദി ശ്രീനിവാസ റാവു എന്നിവരും പങ്കാളിയാകുന്നു.
മിസ് ഷെട്ടി മിസ്റ്റർ പൊലിഷെട്ടി സിനിമയാണ് നടി അനുഷ്‌ക ഷെട്ടിയുടേതായി മുമ്പ് തിയറ്ററുകളിൽ എത്തിയതും ശ്രദ്ധയാകർഷിച്ചതും. മഹേഷ് ബാബു പിയാണ് ചിത്രം സംവിധാനം ചെയ്തിരിക്കുന്നത്. നവീൻ പൊലിഷെട്ടിയാണ് ചിത്രത്തിലെ നായകൻ. അനുഷ്‌ക ഷെട്ടി നായികയായി വേഷമിട്ട ചിത്രം ‘മിസ് ഷെട്ടി മിസ്റ്റർ പൊലിഷെട്ടി’ യുവി ക്രിയേഷൻസാണ് നിർമിച്ചിരിക്കുന്നത്.
അനുഷ്‌ക ഷെട്ടി നായികയായ ഹിറ്റ് ചിത്രം മിസ് ഷെട്ടി മിസ്റ്റർ പൊലിഷെട്ടി ആഗോള ബോക്‌സ് ഓഫീസിൽ ആകെ 50 കോടി രൂപയിൽ അധികം നേടിയിരുന്നു. ചിരിക്കും ഒരുപാട് പ്രാധാന്യം നൽകിയ ചിത്രത്തിൽ അനുഷ്‌ക ഷെട്ടി മികച്ച പ്രകടനം നടത്തിയിരുന്നുവെന്ന് മഹേഷ് ബാബുവും ചിരഞ്ജീവിയുമടക്കമുള്ളവർ പ്രശംസിച്ചിരുന്നു. അനുഷ്‌ക ഷെട്ടി നായികയായി എത്തിയ ചിത്രത്തിന്റെ ഛായാഗ്രാഹണം നിരവ് ഷായാണ് നിർവഹിച്ചത്. മിസ് ഷെട്ടി മിസ്റ്റർ പൊലിഷെട്ടിയുടെ സംഗീതം രാധനും നിർവഹിച്ചപ്പോൾ ഗാനങ്ങളും ഹിറ്റായതാണ് വാർത്തകളിൽ നിന്ന് വ്യക്തമായത്.
