ഭക്ഷണ സാധനങ്ങൾ പാകം ചെയ്യാനും ചൂടാക്കാനുമൊക്കെ ഇന്ന് നമ്മൾ ഏറേ ആശ്രയിക്കുന്ന ഒന്നാണ് മൈക്രോവേവ്. എന്നാൽ പലരും ഉപയോഗം കഴിഞ്ഞതിന് ശേഷം ഇത് വൃത്തിയാക്കാതെ അതുപോലെ തന്നെ അടച്ച് വയ്ക്കാറാണ് പതിവ്. പിന്നീട് എന്തെങ്കിലും ആവശ്യം വരുമ്പോൾ മാത്രമാണ് ഇത് തുറക്കുന്നത്. ഇത് അഴുക്ക് അടിഞ്ഞുകൂടിയൻ കാരണമാകും.മൈക്രോവേവ് വിനാഗിരി ഉപയോഗിച്ച് നമുക്ക് ഈ അഴുക്ക് എളുപ്പത്തിൽ വൃത്തിയാക്കാൻ സാധിക്കും.അത് എങ്ങനെയാണെന്ന് നോക്കാം
ഒരു പാത്രത്തിൽ നിറയെ വെള്ളമെടുത്തതിന് ശേഷം അതിലേക്ക് 2 ടേബിൾസ്പൂൺ വിനാഗിരി ചേർത്തുകൊടുക്കാം. ശേഷം ഇത് മൈക്രോവേവിൽ വെച്ച് രണ്ട് മിനിറ്റോളം വിനാഗിരി ചൂടാക്കാം. ഉടനെ മൈക്രോവേവിന്റെ ഡോർ തുറക്കരുത്. കുറച്ച് നേരം അങ്ങനെ തന്നെ ഡോർ അടച്ച് സൂക്ഷിക്കാം. ഇത് മൈക്രോവേവിനുള്ളിലെ ആവിയെ തങ്ങി നിർത്തുകയും അടിഞ്ഞുകൂടിയ അഴുക്കിനെ എളുപ്പത്തിൽ വൃത്തിയാക്കാനും സഹായിക്കുന്നു. അഞ്ച് മിനിറ്റ് കഴിഞ്ഞ് മൈക്രോവേവ് തുറന്ന് വിനാഗിരി എടുത്ത് മാറ്റാം. ശേഷം ഒരു സ്പോഞ്ചിൽ വിനാഗിരി മുക്കി ഉൾഭാഗം നന്നായി തുടച്ചെടുത്താൽ മതിയാവും.
