അടുത്തവർഷം ഹജ്ജിന് പോകാൻ ഉദ്ദേശിക്കുന്നവർക്കായുള്ള ഹെൽപ്പ് ഡെസ്‌ക് അബുദാബി ഐസിഎഫ് ഓഫീസിൽ ആരംഭിച്ചു. ഹജ്ജിന് പോകാൻ തയ്യാറെടുക്കുന്ന ബഷീർ വടകരയുടെ അപേക്ഷ സമർപ്പിച്ചുകൊണ്ടായിരുന്നു ഉദ്ഘാടനം.ഹമീദ് പരപ്പ, ഹംസ അഹ്സനി വയനാട്, ശാഫി പട്ടുവം, അബ്ദുൽ ഹക്കീം വളക്കൈ, പി.വി. അബൂബക്കർ മൗലവി, സിദ്ദീഖ് അൻവരി തുടങ്ങിയവർ പങ്കെടുത്തു.ഓൺലൈൻ വഴി അപേക്ഷ നൽകുന്നവർക്കുവേണ്ട എല്ലാവിധസൗകര്യങ്ങളും ഇവിടെ ഏർപ്പെടുത്തിയിട്ടുണ്ട്.
ഷാർജയിലെ ഫയ പ്രാചീനമേഖല യുനെസ്‌കോയുടെ ആഗോള പൈതൃകപട്ടികയിൽ ഇടം പിടിച്ചു. ഇന്നാണ് ഇതുസംബന്ധിച്ച ഔദ്യോഗിക പ്രഖ്യാപനമുണ്ടായത്. യുനെസ്‌കോ ആഗോള പൈതൃക പട്ടികയിലെത്തുന്ന യു.എ.ഇയുടെ രണ്ടാമത്തെ സ്ഥലമാണ് ഫയ. 2,10,000 വർഷങ്ങൾക്ക് മുൻപ് മനുഷ്യവാസം നിലനിന്നിരുന്നുവെന്ന് കരുതുന്ന ഷാർജയിലെ മരൂഭൂ പ്രദേശമാണ് ഫയ. കഴിഞ്ഞവർഷം സാംസ്‌കാരിക ഭൂപ്രദേശങ്ങളുടെ പട്ടികയിൽ ഫയ ഇടം നേടിയിരുന്നു. ഈ പട്ടികയിൽ ഇടം നേടുന്ന ആദ്യ മരൂഭൂ പൈതൃകമേഖലയാണിത്. 2011 ൽ അൽഐനിലെ സാംസ്‌കാരിക പ്രദേശങ്ങളാണ് ഇതിന് മുമ്പ് യു.എ.ഇയിൽ നിന്ന് യുനെസ്‌കോയുടെ ആഗോള…
അശ്രദ്ധമായി വാഹനം ഓടിക്കുന്നത് കൊണ്ട് ഉണ്ടാകുന്ന അപകടങ്ങൾ വർധിച്ച സാഹചര്യത്തിൽ മുന്നറിയിപ്പുമായി അബുദാബി പൊലീസ്. അടുത്തിടെ റോഡുകളിൽ സംഭവിച്ച അപകടങ്ങളുടെ വിഡിയോ സാമൂഹിക മാധ്യമങ്ങളിൽ പങ്കുവെച്ച് കൊണ്ടാണ് അബുദാബി പൊലീസ് സുരക്ഷിതമായി വാഹനമോടിക്കണമെന്ന് ജനങ്ങളോട് അഭ്യർത്ഥിച്ചത്. രണ്ട് അപകടങ്ങളുടെ ദൃശ്യങ്ങൾ അബുദാബി പൊലീസ് പങ്കു വെച്ചിട്ടുണ്ട്. ട്രാഫിക് സിഗ്‌നലിൽ നിർത്തിയിട്ടിരിക്കുന്ന വാഹനങ്ങൾക്ക് പിന്നിൽ അമിത വേഗത്തിൽ എത്തുന്ന മറ്റൊരു വാഹനം ഇടിക്കുന്ന ദൃശ്യങ്ങളാണ് ഇവ. കൂട്ടിയിടി ഒഴിവാക്കാൻ പെട്ടെന്ന് വെട്ടിച്ചുമാറ്റുന്നതും ദൃശ്യങ്ങളിൽ കാണാം. വാഹനമോടിക്കുന്നതിനിടെ നിങ്ങളുടെ ശ്രദ്ധ…
ഗാസയിലേക്ക് സഹായ വസ്തുക്കളുമായി 13 യു.എ.ഇ ട്രക്കുകളെത്തി. കഴിഞ്ഞ ദിവസമാണ് സഹായ വസ്തുക്കൾ എത്തിച്ചതെന്ന് യു.എ.ഇ ഔദ്യോഗിക വാർത്ത ഏജൻസിയാണ് റിപ്പോർട്ട് ചെയ്തത്. യു.എ.ഇ പ്രഖ്യാപിച്ച ഷിവർലെസ് നൈറ്റ് 3 പദ്ധതിയുടെ ഭാഗമായാണ് സഹായ വസ്തുക്കൾ എത്തിച്ചത്. കമ്യൂണിറ്റി കിച്ചണുകൾക്ക് ആവശ്യമായ ഭക്ഷ്യവസ്തുക്കൾ, ബേക്കറിൽ പ്രവർത്തിപ്പിക്കുന്നതിനുള്ള ഉപകരണങ്ങൾ, കുട്ടികൾക്കുള്ള റിലീഫ് കിറ്റുകൾ എന്നിവയാണ് എത്തിച്ചത്. ഗാസയിലെ ഏറ്റവും പ്രയാസപ്പെടുന്നവരെ സഹായിക്കുന്നത് ലക്ഷ്യമിട്ടാണ് ഇത്തരം വസ്തുക്കൾക്ക് മുൻഗണന നൽകിയിരിക്കുന്നത്. കഴിഞ്ഞ ആഴ്ച 2500 ടൺ വസ്തുക്കളുമായി യു.എ.ഇയുടെ കപ്പൽ…
കഴിഞ്ഞ വർഷം രാജ്യത്തുടനീളം ഹെഡ്‌ലൈറ്റില്ലാതെ രാത്രി ഡ്രൈവിങ് നടത്തിയ സംഭവങ്ങളിൽ 30,000ത്തോളം പേർക്ക് പിഴയിട്ടു. കൂടുതൽ പേർക്ക് പിഴ ചുമത്തപ്പെട്ടത് ദുബൈയിലാണെന്നും പ്രാദേശിക പത്രം പുറത്തുവിട്ട കണക്കുകളിൽ വ്യക്തമാക്കുന്നു.ഫെഡറൽ ട്രാഫിക് ആൻഡ് റോഡ് നിയമമനുസരിച്ച് സൂര്യാസ്തമനം മുതൽ സൂര്യോദയം വരെ വാഹനങ്ങളുടെ ലൈറ്റുകൾ ഓൺ ചെയ്തിരിക്കണം. അതോടൊപ്പം മറ്റു റോഡ് ഉപയോക്താക്കളെ സാന്നിധ്യം അറിയിക്കൽ അനിവാര്യമായ മറ്റു സന്ദർഭങ്ങളിലും ലൈറ്റ് തെളിയിക്കാം.ഈ നിയമലംഘനം ദുബൈയിൽ 10,706 എണ്ണമാണ് രേഖപ്പെടുത്തിയത്. ഷാർജയിൽ 8635, അബൂദബിയിൽ 8231, അജ്മാനിൽ 1393,…
13 വർഷം വാർഷിക അവധി എടുക്കാതെയിരുന്ന മുൻ ജീവനക്കാരന് 14 ലക്ഷം രൂപ നഷ്ടപരിഹാരമായി നൽകണമെന്ന് ഉത്തരവിട്ട് അബുദാബി കോടതി. 2009 മുതൽ 2022 വരെ ഒരു സ്വകാര്യ സ്ഥാപനത്തിൽ ജോലി ചെയ്തിരുന്ന ജീവനക്കാരനാണ് കമ്പനിക്കെതിരെ കോടതിയെ സമീപിച്ചത്. തന്റെ സേവനകലയളവിൽ 13 വർഷം വാർഷിക അവധി എടുക്കാൻ സാധിച്ചിരുന്നില്ല എന്നും അതിന് കമ്പനി നഷ്ടപരിഹാരം നൽകണമെന്നുമായിരുന്നു ആവശ്യം. കോടതി കേസ് പരിഗണിച്ചപ്പോൾ മുൻ ജീവനക്കാരന് വാർഷിക അവധി നൽകിയതുമായി ബന്ധപ്പെട്ട രേഖകൾ ഹാജരാക്കാൻ കമ്പനിയോട് ആവശ്യപ്പെട്ടു….
ബജറ്റ് വിമാന കമ്പനിയായ വിസ് എയർ സലാലക്കും അബുദാബിക്കും ഇടയിൽ നേരിട്ടുള്ള സർവീസ് ആരംഭിച്ചു. യുഎഇ തലസ്ഥാനത്ത് നിന്നും ആഴ്ചയിൽ ഏഴ് സർവീസ് വീതം നടത്തും. ടൂറിസം മേഖലയിൽ ഉൾപ്പെടെ കുതിപ്പിന് വിസ് എയർ സർവീസ് ഗുണം ചെയ്യും. ഖരീഫ് കാലത്ത് കുറഞ്ഞ നിരക്കിൽ യുഎഇയിൽ നിന്നും സഞ്ചാരികൾക്ക് സലാലയിൽ എത്താനാകും.
അബൂദബിയിലെ വിവിധ ഇടങ്ങളിൽ പുതിയ പെയ്ഡ് പാർക്കിങ് സോണുകൾ ആരംഭിച്ചതായി ക്യു മൊബിലിറ്റി അറിയിച്ചു. ഈസ്റ്റേൺ മാൻഗ്രോവ്‌സ്, ഡോൾഫിൻ പാർക്ക്, അൽ ഖലീജ് അൽ അറബ് സ്ട്രീറ്റിലെ അൽ ഖലീജ് അൽ അറബ് പാർക്ക് 1, 2, 4, 5 എന്നിവിടങ്ങളിലും അൽ ഖുറം പ്ലാസയിലുമാണ് മവാഖിഫ് പെയ്ഡ് പാർക്കിങ് സംവിധാനം സജ്ജീകരിച്ചിരിക്കുന്നതെന്ന് ക്യു മൊബിലിറ്റി വ്യക്തമാക്കി. ജൂലൈ 10 മുതൽ ഇവ പ്രാബല്യത്തിൽവന്നു. പാർക്കിങ് ഇടങ്ങളിൽ പ്രദർശിപ്പിക്കുന്ന നിർദേശങ്ങൾ പാലിക്കണം. ദർബ് ആപ് വഴിയുള്ള പാർക്കിങ്…
യുഎഇയുടെ ആകാശത്തിൽ വിസ്മയം തീർത്ത് ബക്ക് മൂൺ. ഇന്നലെയാണ് ജൂലൈയിലെ സൂപ്പർ മൂൺ എന്നറിയപ്പെടുന്ന ബക്ക് മൂൺ ഉദിച്ചത്. ഭൂമിയോട് കൂടുതൽ അടുത്ത് വരുന്നതിനാൽ സാധാരണ പൂർണചന്ദ്രനേക്കാൾ വലിപ്പവും തിളക്കവും ബക്ക് മൂണിന് കൂടുതൽ ആയിരിക്കും. അതുകൊണ്ടുതന്നെ ലോകമെമ്പാടുമുള്ള ആകാശ നിരീക്ഷകരെ ഏറെ ആകർഷിക്കുന്നതായിരുന്നു ഇന്നലെ ഉദിച്ച ബക്ക് മൂൺ. ബക്ക് മൂൺ എന്ന പേര് വടക്കേ അമേരിക്കയിലെ ?ഗോത്രവർ??ഗക്കാരുടെ പാരമ്പര്യത്തിൽ നിന്നുമാണ് ലഭിച്ചത്. പ്രകൃതിയുടെ മാറ്റവും ജീവജാലങ്ങളുടെ പരിണാമവും അനുസരിച്ചാണ് ഓരോ മാസത്തിലെയും പൂർണചന്ദ്രന് പേരുകൾ…
ചരക്ക് നീക്കം സുഗമമാക്കുന്നതിന്റെ ഭാഗമായി കസ്റ്റംസ് രംഗത്തെ പൂർണമായും ഡിജിറ്റൽവൽക്കരിക്കുന്നതിനു സഹകരിക്കാൻ ഇന്ത്യയും യുഎഇയും തീരുമാനിച്ചു. ഇരു രാജ്യങ്ങളിലെയും കസ്റ്റംസ് വകുപ്പുകൾ സഹകരിച്ചു പ്രവർത്തിക്കും. ഡിജിറ്റലാകുന്നതോടെ നടപടി ക്രമങ്ങൾക്കും ചരക്കുനീക്കത്തിനും വേഗം കൂടും. അബുദാബി കസ്റ്റംസിന്റെ ജനറൽ അഡ്മിനിസ്‌ട്രേഷൻ ഇന്ത്യയിലെ സെൻട്രൽ ബോർഡ് ഓഫ് ഇൻഡയറക്ട് ടാക്‌സസ് ആൻഡ് കസ്റ്റംസുമായി ചേർന്നു നടത്തിയ ശിൽപ്പശാലയിലാണ് നിർണായക തീരുമാനം.
