Category: Kuwait

കുവൈത്തിൽ ഈ വാരാന്ത്യത്തിൽ അസാധാരണമായ ചൂട് അനുഭവപ്പെടുമെന്ന് കാലാവസ്ഥാ നിരീക്ഷണ വകുപ്പ് മുന്നറിയിപ്പ് നൽകി. പകൽ സമയങ്ങളിൽ അതിതീവ്ര ചൂടും, രാത്രിയിൽ പോലും ചൂടുള്ള കാലാവസ്ഥയും ആയിരിക്കുമെന്ന് വകുപ്പ് അറിയിച്ചു. ഇന്ത്യൻ മൺസൂൺ ന്യൂനമർദ്ദത്തിൻറെ സ്വാധീനമാണ് ഈ കാലാവസ്ഥാ വ്യതിയാനത്തിന് കാരണമെന്ന് കാലാവസ്ഥാ വകുപ്പ് ആക്ടിംഗ് ഡയറക്ടർ ധരാർ അൽ അലി വിശദീകരിച്ചു. ഈ സാഹചര്യത്തിൽ വരണ്ടതും അതീവ ചൂടുള്ളതുമായ വായുപ്രവാഹം രൂപപ്പെടുന്നുണ്ട്. വടക്കുപടിഞ്ഞാറ് ദിശയിൽ നിന്നുള്ള നേർതോ മിതമായതോ ആയ കാറ്റ് ചില സമയങ്ങളിൽ ശക്തിയേറിയതായി…

തൊഴിൽ നിയമങ്ങൾ പാലിക്കാതെ തൊഴിലാളികളുടെ ശമ്പളവിതരണം വൈകിക്കുന്ന സ്ഥാപനങ്ങൾക്കെതിരെ ശക്തമായ നടപടി സ്വീകരിച്ച് മാൻപവർ അതോറിറ്റി (PAM).കുവൈത്ത് ആഭ്യന്തര മന്ത്രി ശൈഖ് ഫഹദ് അൽ യൂസഫിന്റെ നിർദേശപ്രകാരം പ്രവർത്തനക്ഷമമാക്കിയ പരിശോധനകളിലാണ് നിരവധി സ്വകാര്യ സ്ഥാപനങ്ങളുടെ ഫയലുകൾ അതോറിറ്റി താൽക്കാലികമായി മരവിപ്പിച്ചത്. തൊഴിലാളികളുടെ ശമ്പള വിതരണം കൃത്യമായി നടപ്പാക്കുന്നതിനും അവർക്കുള്ള നിയമപരമായ അവകാശങ്ങൾ ഉറപ്പുവരുത്തുന്നതിനും തുടർച്ചയായ നടപടി സ്വീകരിക്കുമെന്നും അതോറിറ്റി വ്യക്തമാക്കി. ശമ്പളം നിശ്ചിത സമയത്ത് നൽകാത്തതോ, അതത് മാസത്തിൽ പ്രാദേശിക ബാങ്കുകളിലൂടെയെങ്കിലും നിക്ഷേപിക്കാത്തതോ ആയ സ്ഥാപനങ്ങളാണ് നടപടിയിലായത്.