സൗ​ദി ശൂറ കൗ​ൺസിൽ അധ്യക്ഷനെ സ്വീകരിച്ച് ബഹ്റൈൻ രാജാവ്

സൗ​ദി ശൂ​റ കൗ​ൺ​സി​ൽ അ​ധ്യ​ക്ഷ​ൻ ഡോ. ​അ​ബ്​​ദു​ല്ല ബി​ൻ മു​ഹ​മ്മ​ദ്​ ബി​ൻ ഇ​ബ്രാ​ഹിം ആ​ലു​ശൈ​ഖി​നെ ബ​ഹ്​​റൈ​ൻ രാ​ജാ​വ് ഹ​മ​ദ് ബി​ൻ ഈ​സ ആ​ൽ ഖ​ലീ​ഫ സ്വീ​ക​രി​ച്ചു. ദീ​ർ​ഘ​കാ​ല​മാ​യു​ള്ള ബ​ഹ്‌​റൈ​ൻ-​സൗ​ദി ബ​ന്ധ​ങ്ങ​ളും ഇ​രു രാ​ജ്യ​ങ്ങ​ളു​ടേ​യും പ​ര​സ്പ​ര സ​ഹ​ക​ര​ണ​വും ഹ​മ​ദ് രാ​ജാ​വ് അ​ടി​വ​ര​യി​ട്ടു പ​റ​ഞ്ഞു. സ​ൽ​മാ​ൻ ബി​ൻ അ​ബ്​​ദു​ൽ അ​സീ​സ് രാ​ജാ​വി​ന്‍റെ​യും കി​രീ​ടാ​വ​കാ​ശി മു​ഹ​മ്മ​ദ് ബി​ൻ സ​ൽ​മാ​ൻ ബി​ൻ അ​ബ്ദു​ൽ അ​സീ​സ് അ​ൽ സൗ​ദ് രാ​ജ​കു​മാ​ര​ന്‍റെ​യും ആ​ശം​സ​ക​ളും ഡോ. ​അ​ബ്​​ദു​ല്ല ബി​ൻ മു​ഹ​മ്മ​ദ്​ ബി​ൻ ഇ​ബ്രാ​ഹിം ആ​ലു​ശൈ​ഖ് അ​റി​യി​ച്ചു. ത​ന്റെ ആ​ശം​സ​ക​ൾ സൗ​ദി രാ​ജാ​വ് സ​ൽ​മാ​ൻ ബി​ൻ അ​ബ്​​ദു​ൽ അ​സീ​സി​നെ​യും സ​ൽ​മാ​ൻ രാ​ജ​കു​മാ​ര​നെ​യും അ​റി​യി​ക്കാ​ൻ ഹ​മ​ദ് രാ​ജാ​വ് ശൂ​റ കൗ​ൺ​സി​ൽ അ​ധ്യ​ക്ഷ​നോ​ട് അ​ഭ്യ​ർ​ഥി​ച്ചു.

സൗ​ദി ശൂ​റ കൗ​ൺ​സി​ൽ അ​ധ്യ​ക്ഷ​ൻ ഡോ. ​അ​ബ്​​ദു​ല്ല ബി​ൻ മു​ഹ​മ്മ​ദ്​ ബി​ൻ ഇ​ബ്രാ​ഹിം ആ​ലു​ശൈ​ഖി​നെ​യും സം​ഘ​ത്തെ​യും ബ​ഹ്​​റൈ​ൻ പാ​ർ​ല​മെ​ന്‍റ്​ അ​ധ്യ​ക്ഷ​ൻ അ​ഹ്​​മ​ദ്​ ബി​ൻ സ​ൽ​മാ​ൻ അ​ൽ മു​സ​ല്ലം ക​ഴി​ഞ്ഞ​ദി​വ​സം സ്വീ​ക​രി​ച്ച് ച​ർ​ച്ച ന​ട​ത്തി​യി​രു​ന്നു. ബ​ഹ്​​റൈ​നും സൗ​ദി​യും ത​മ്മി​ൽ നി​ല​നി​ൽ​ക്കു​ന്ന ബ​ന്ധ​വും വി​വി​ധ മേ​ഖ​ല​ക​ളി​ലു​ള്ള സ​ഹ​ക​ര​ണ​വും പ്ര​തീ​ക്ഷി​ത നി​ല​വാ​ര​ത്തി​ലാ​ണെ​ന്ന്​ ഇ​രു​വ​രും വി​ല​യി​രു​ത്തി. പാ​ർ​ല​മെ​ന്‍റ​റി കാ​ര്യ​ങ്ങ​ളി​ലു​ള്ള സ​ഹ​ക​ര​ണം കൂ​ടു​ത​ൽ ശ​ക്ത​മാ​ക്കു​വാ​ൻ സ​ന്ദ​ർ​ശ​നം ഗു​ണ​ക​ര​മാ​കു​മെ​ന്ന്​ വി​ല​യി​രു​ത്തി.