2030ഓടെ ലോകത്ത് നിലവിലുള്ള ജോലികളുടെ 99 ശതമാനവും ആർട്ടിഫിഷ്യൽ ഇന്റലിജൻസ് (എ.ഐ) ഇല്ലാതാക്കുമെന്ന് അമേരിക്കൻ ഗവേഷകൻ വാച്സ്ലാവ് സ്മിൽ. എ.ഐയെ ‘മനുഷ്യരാശിയുടെ അവസാനത്തെ കണ്ടുപിടുത്തം’ എന്നാണ് അദ്ദേഹം വിശേഷിപ്പിച്ചത്. മനുഷ്യന്റെ ഇടപെടലില്ലാതെ തന്നെ തീരുമാനമെടുക്കാനും പുതിയ ആശയങ്ങൾ സൃഷ്ടിക്കാനും കഴിയുന്ന തലത്തിലേക്ക് എ.ഐ വളർന്നുകൊണ്ടിരിക്കുകയാണെന്നും അദ്ദേഹം പറഞ്ഞു.
ഓട്ടോമേഷൻ വ്യാപകമാകുന്നതോടെ തൊഴിൽ വിപണിയിൽ വലിയ മാറ്റങ്ങൾ വരുമെന്ന് പലരും ആശങ്കപ്പെടുന്നുണ്ട്. നിലവിൽ തന്നെ നിർമ്മാണം, സേവനം, ആരോഗ്യം, വിദ്യാഭ്യാസം തുടങ്ങിയ പല മേഖലകളിലും തൊഴിലാളികളെ മാറ്റി എ.ഐ സാങ്കേതികവിദ്യ ഉപയോഗിക്കുന്നത് വർധിച്ചുവരുന്നുണ്ട്.
എങ്കിലും, എല്ലാ വിദഗ്ധരും ഈ അഭിപ്രായത്തോട് യോജിക്കുന്നില്ല. മനുഷ്യന്റെ സർഗ്ഗാത്മകത, സഹാനുഭൂതി, സാമൂഹിക ഇടപെടലുകൾ എന്നിവയെ പൂർണമായി എ.ഐക്ക് മാറ്റിസ്ഥാപിക്കാൻ കഴിയില്ലെന്ന് മറ്റ് ചില വിദഗ്ധർ അഭിപ്രായപ്പെടുന്നു. ജോലികളുടെ സ്വഭാവം മാറുക മാത്രമേയുള്ളൂവെന്നും അവർ വിലയിരുത്തുന്നു.
