ഇ-സ്കൂട്ടർ യാത്രക്കാരെ നിരീക്ഷിക്കാൻ രാജ്യത്തെ പ്രധാന റോഡുകളിൽ എ.ഐ ക്യാമറകൾ സ്ഥാപിക്കുമെന്ന് റോയൽ ഒമാൻ പൊലീസ് അറിയിച്ചു. എ.ഐ അധിഷ്ടിതമായി പ്രവർത്തിക്കുന്ന ട്രാഫിക് മോണിറ്ററിങ് സിസ്റ്റത്തിൽ ഇലക്ട്രിക് സ്കൂട്ടർ യാത്രക്കാരെ ഉൾപ്പെടുത്തും.
ക്യാമറയുടെ ഡിറ്റക്ഷൻ സോണുകളിലെ എല്ലാ റോഡ് ഉപയോക്താക്കളെയും ഉൾക്കൊള്ളുന്നതിനാണ് മോണിറ്ററിങ് സിസ്റ്റം രൂപകൽപ്പന ചെയ്തിരിക്കുന്നത്.
ട്രാഫിക് നിയമങ്ങൾ പാലിക്കുന്നത് നിരീക്ഷിച്ച് എല്ലാ റോഡ് ഉപയോക്താക്കളുടെയും സുരക്ഷ ഉറപ്പാക്കുക എന്നതാണ് ലക്ഷ്യമെന്ന് റോയൽ ഒമാൻ പൊലീസ് വ്യക്തമാക്കി.
