പ്രതിപക്ഷത്തെ, പ്രത്യേകിച്ച് കോൺഗ്രസിലെ യുവനേതാക്കൾ വളരെ കഴിവുള്ളവരാണെന്ന് പ്രധാനമന്ത്രി നരേന്ദ്ര മോദി. കുടുംബവാഴ്ച കാരണം അവർക്ക് സംസാരിക്കാൻ അവസരം ലഭിക്കുന്നില്ലെന്നും മോദി എൻഡിഎ നേതാക്കളോട് പറഞ്ഞു.
ഭരണസഖ്യത്തിന് മാത്രമായി ഒതുങ്ങിയ ചായസൽക്കാരത്തിൽ ഒരു പ്രതിപക്ഷ നേതാക്കളും പങ്കെടുത്തിരുന്നില്ല. പാർലമെന്റിന്റെ അടുത്തിടെ സമാപിച്ച സമ്മേളനം പ്രധാനപ്പെട്ട ബില്ലുകൾ പാസാക്കിയത് കാരണം വളരെ മികച്ചതായിരുന്നെന്നും പ്രധാനമന്ത്രി പറഞ്ഞു.
