വ്യാപകമായ പരാതിയും പ്രതിഷേധവും ശക്തമായതിന് പിന്നാലെ മോഹന്ലാല് ചിത്രം എമ്പുരാനിലെ മൂന്ന് മിനിറ്റ് നീളുന്ന ദൃശ്യങ്ങള് വെട്ടിമാറ്റാന് സെന്സര് ബോര്ഡ് അനുമതി നല്കി. തിങ്കളാഴ്ച മുതല് ചിത്രത്തിന്റെ റീ എഡിറ്റഡ് പതിപ്പായിരിക്കും തീയേറ്ററുകളില് പ്രദര്ശിപ്പിക്കുക.
ചിത്രത്തില് ഗര്ഭിണിയെ ബലാത്സംഗം ചെയ്യുന്ന സീന് ആണ് ഒഴിവാക്കിയത്. കൂടാതെ സിനിമയിലെ വില്ലന് കഥാപാത്രത്തിന്റെ പേര് ബജ്രംഗി എന്ന മാറ്റി ബല്രാജ് എന്നാക്കിയിട്ടുണ്ട്.
നിര്മ്മാതാക്കള് തന്നെ ചിത്രത്തിലെ ഭാഗങ്ങള് വെട്ടിമാറ്റാന് സെന്സര് ബോര്ഡിനോട് ആവശ്യപ്പെടുകയായിരുന്നു. തിരുവനന്തപുരം ചിത്രാഞ്ജലി സ്റ്റുഡിയോയിലെ സെന്സര് ബോര്ഡ് ആസ്ഥാനത്താണ് മോഡിഫിക്കേഷന് നടപടികള് പൂര്ത്തിയാക്കിയത്.
സിനിമയെച്ചൊല്ലിയുള്ള പ്രതിഷേധവും വ്യാപകപരാതികളും ദേശീയ തലത്തിലടക്കം ഉയര്ന്നിരുന്നു. ആര്എസ്എസ് മുഖപത്രത്തിലടക്കം മോഹന്ലാലിനേയും പൃഥ്വിരാജിനേയും പേരെടുത്ത് വിമര്ശിച്ചിരുന്നു. ഇതിന് പിന്നാലെയാണ് നിര്മ്മാതാക്കള് സിനിമയിലെ ഭാഗങ്ങള് വെട്ടിമാറ്റാന് സെന്സര് ബോര്ഡിനെ സമീപിച്ചത്.
