ഉപയോക്താക്കള്ക്കായി ‘ഷെഡ്യൂള്ഡ് മെസേജസ്’ ഫീച്ചര് പുറത്തിറക്കാന് വാട്സ്ആപ്പ്. മുന്കൂട്ടി തയാറാക്കിയ സന്ദേശങ്ങള് ഒരു നിശ്ചിത തീയതിയിലും സമയത്തും ഓട്ടോമാറ്റിക്കായി അയക്കാന് കഴിയുന്നതാണ് ഫീച്ചര്. ഫീച്ചര് നിലവില് പരീക്ഷണ ഘട്ടത്തിലാണെന്ന് വാബീറ്റ ഇന്ഫോ റിപ്പോര്ട്ട് ചെയ്തു.
ഉപയോക്താക്കള്ക്ക് ജന്മദിനാശംസയായാലും, റിമൈന്ഡറുകളായാലും സന്ദേശം സ്വീകര്ത്താവിന് കൃത്യമായി ശരിയായ സമയത്ത് എത്തുന്നുണ്ടെന്ന് ഉറപ്പാക്കുക എന്നതാണ് ഫീച്ചര് ലക്ഷ്യമിടുന്നത്. ഷെഡ്യൂള് ചെയ്ത സന്ദേശങ്ങള് ഡെലിവര് ചെയ്യുന്നതിന് മുമ്പ് ഇവ എഡിറ്റ് ചെയ്യാനോ ഡിലീറ്റ് ചെയ്യാനോ സാധിക്കും.ചാറ്റ് ഇന്ഫോ സ്ക്രീനില് ഉപയോക്താക്കള്ക്ക് ഷെഡ്യൂള് ചെയ്ത സന്ദേശങ്ങള് കാണാനാകും, അതിനാല് ഉപയോക്താക്കള്ക്ക് എത്ര സന്ദേശങ്ങള് ഷെഡ്യൂള് ചെയ്തിട്ടുണ്ടെന്ന് കാണാനും അവ എപ്പോള് വേണമെങ്കിലും മാറ്റുന്നതിനുള്ള ഓപ്ഷനുകളും ഉണ്ടാകും. ഒരു സന്ദേശം ഷെഡ്യൂള് ചെയ്തുകഴിഞ്ഞാല്, അത് അയയ്ക്കുന്നതിന് മുമ്പ് ഉപയോക്താക്കള്ക്ക് എപ്പോള് വേണമെങ്കിലും അത് എഡിറ്റ് ചെയ്യാനോ ഡിലീറ്റ് ചെയ്യാനോ കഴിയും. ഇനി ഇവ ഡിലീറ്റ് ചെയ്താല് സ്വീകര്ത്താക്കള്ക്ക് അതിനെക്കുറിച്ച് ഒരു അറിയിപ്പും ലഭിക്കില്ല.
ആപ്പിളിന്റെ ടെസ്റ്റ്ഫ്ലൈറ്റ് ആപ്പില് ലഭ്യമായ ഐഒഎസ് 26.7.10.72നുള്ള ഏറ്റവും പുതിയ വാട്സ്ആപ്പ് ബീറ്റയില് ഫീച്ചറിന്റെ ഭാഗമായ ഷെഡ്യൂളിങ് ടൂള് കണ്ടെത്തിയതായും വബീറ്റ ഇന്ഫോ റിപ്പോര്ട്ട് ചെയ്തു. ഫീച്ചറിന്റെ പരീക്ഷണ ഘട്ടം കഴിഞ്ഞാല് കൂടുതല് ഉപയോക്താക്കളിലേക്ക് ഫീച്ചര് എത്തും. ഐഫോണ് ഉപയോക്താക്കള്ക്ക് ഉടന് പബ്ലിക് ബീറ്റയില് ഈ ഫീച്ചര് കാണാന് കഴിയും.
